Ravikiranalu TV

 ఆత్మకూరు నియోజకవర్గంలో రెండేళ్లలో 1,150 కుటుంబాలకు రూ.10.42 కోట్లకు పైగా ఆర్థిక సహాయం   నేడు మరో 69 కుటుంబాలకు రూ.63.79 లక్షల చెక్కుల పంపిణీ

నెల్లూరు, రవికిరణాలు :   అనారోగ్యంతో బాధపడుతూ ఖరీదైన వైద్య చికిత్సలు చేయించుకుని ఆర్థిక ఇబ్బందుల్లో కూరుకుపోయిన పేద కుటుంబాలకు ముఖ్యమంత్రి సహాయ నిధి (సీఎం రిలీఫ్ ఫండ్) ద్వారా ఆర్థిక భరోసా కల్పిస్తున్నామని రాష్ట్ర దేవాదాయ శాఖ మంత్రి శ్రీ ఆనం రామనారాయణ రెడ్డి తెలిపారు. పేదల ఆరోగ్య భద్రతకు ఎన్డీఏ కూటమి ప్రభుత్వం అత్యంత ప్రాధాన్యత ఇస్తోందని, వైద్య ఖర్చుల భారంతో ఇబ్బందులు ఎదుర్కొంటున్న కుటుంబాలకు అండగా నిలుస్తోందని పేర్కొన్నారు.  

ఆత్మకూరు పట్టణంలోని అభయాంజనేయస్వామి ఆలయ ప్రాంగణంలో మంగళవారం నిర్వహించిన బైపాస్ రహదారి ప్రారంభోత్సవ కార్యక్రమంలో భాగంగా మంత్రి శ్రీ ఆనం రామనారాయణ రెడ్డి స్థానిక నాయకులు, ప్రజాప్రతినిధులతో కలిసి సీఎం రిలీఫ్ ఫండ్ చెక్కులను లబ్ధిదారులకు పంపిణీ చేశారు.

ఈ సందర్భంగా మంత్రి మాట్లాడుతూ.. గత రెండేళ్లలో ఆత్మకూరు నియోజకవర్గ పరిధిలోని 1,150 కుటుంబాలకు మొత్తం రూ.10,42,08,879 విలువైన సీఎం రిలీఫ్ ఫండ్ చెక్కులను పంపిణీ చేసినట్లు తెలిపారు. తాజాగా మరో 69 కుటుంబాలకు రూ.63,79,000 విలువైన చెక్కులు ముఖ్యమంత్రి కార్యాలయం నుంచి మంజూరై అందుబాటులోకి వచ్చాయని, వాటిని లబ్ధిదారులకు అందజేస్తున్నట్లు వివరించారు.

అనారోగ్యంతో కుటుంబ సభ్యులు ఇబ్బందులు పడుతున్న సమయంలో వైద్య ఖర్చులు భరించలేక పేద కుటుంబాలు అప్పులపాలవుతున్నాయని మంత్రి పేర్కొన్నారు. అలాంటి క్లిష్ట పరిస్థితుల్లో ముఖ్యమంత్రి సహాయ నిధి ద్వారా అందించే ఆర్థిక సహాయం బాధిత కుటుంబాలకు ఎంతో ఊరటనిస్తుందని తెలిపారు. అర్హులైన బాధితులకు అవసరమైన సహాయం అందేలా ప్రభుత్వం కృషి చేస్తోందని చెప్పారు.

ఆర్థిక ఇబ్బందుల కారణంగా వైద్యం అందక ఏ కుటుంబమూ ఇబ్బందులు పడకూడదన్న లక్ష్యంతో ప్రభుత్వం పేదలకు అండగా నిలుస్తోందని మంత్రి పేర్కొన్నారు. ముఖ్యమంత్రి సహాయ నిధి ద్వారా అందుతున్న ఆర్థిక సహాయాన్ని సద్వినియోగం చేసుకుని మెరుగైన వైద్య చికిత్స పొందాలని లబ్ధిదారులకు సూచించారు.

శ్రీకాళహస్తి పట్టణంలో శాంతిభద్రతల పరిరక్షణతో పాటు ప్రజలకు మెరుగైన సేవలు అందించడంలో నూతన డీఎస్పీగా శ్రీమతి పావని గారు విజయవంతంగా బాధ్యతలు నిర్వర్తించాలని ఈ సందర్భంగా ఆకాంక్షించారు.  ఈ కార్యక్రమంలో జనసేన పార్టీ నాయకులు జయ ప్రకాష్, కుమార్,గరికపాటి చంద్ర,మాధవ మహేష్ తదితరులు పాల్గొన్నారు.

 ఆత్మకూరులో రూ.8.91 కోట్లతో అభివృద్ధి చేసిన నాలుగు లేన్ల బైపాస్ రహదారి ప్రారంభం

 వాయుపుత్ర మార్గ్‌గా నామకరణం.. వర్చువల్‌గా ప్రారంభించిన ఉప ముఖ్యమంత్రి

 ఆత్మకూరు అభివృద్ధికి సంపూర్ణ సహకారం అందిస్తాం.. మంత్రి ఆనం విజ్ఞప్తులపై పవన్ సానుకూల స్పందన

 బైపాస్ రోడ్డు నిర్మాణంతో ఆత్మకూరు పట్టణ ప్రజల దశాబ్దాల కల సాకారమైంది : మంత్రి ఆనం

ఆత్మకూరు, రవికిరణాలు :   రహదారుల బలోపేతంతోనే గ్రామాల అభివృద్ధి సాధ్యమని, గ్రామీణ మౌలిక సదుపాయాలను బలోపేతం చేయడమే లక్ష్యంగా కూటమి ప్రభుత్వం ముందుకు సాగుతోందని రాష్ట్ర ఉప ముఖ్యమంత్రి శ్రీ కొణిదెల పవన్ కళ్యాణ్ పేర్కొన్నారు. ఆత్మకూరు ప్రజల చిరకాల స్వప్నమైన ఎన్‌హెచ్‌-67 నుంచి ఆత్మకూరు బైపాస్ వరకు రూ.8.91 కోట్లతో అభివృద్ధి చేసిన నాలుగు లేన్ల రహదారిని మంగళవారం మంగళగిరి క్యాంపు కార్యాలయం నుంచి వర్చువల్‌గా ప్రారంభించారు. మంగళవారం ఉదయం ఆత్మకూరు అభయాంజనేయ స్వామి ఆలయ ప్రాంగణంలో నిర్వహించిన ఈ కార్యక్రమానికి రాష్ట్ర దేవాదాయ శాఖ మంత్రి ఆనం రామనారాయణరెడ్డి, స్థానిక ప్రజా ప్రతినిధులు, అధికారులు పాల్గొన్నారు

ఈ సందర్భంగా ఉప ముఖ్యమంత్రి శ్రీ పవన్ కళ్యాణ్ మాట్లాడుతూ.. ఆత్మకూరు ప్రజల చిరకాల స్వప్నం సాకారం కావడం సంతోషంగా ఉందన్నారు. మొత్తం 2.2 కిలోమీటర్ల మేర రహదారిని నాలుగు లేన్లుగా అభివృద్ధి చేయడంతో పాటు, ఆధునిక హంగులతో తీర్చిదిద్దే పనులు చేపట్టినట్లు తెలిపారు. పంచాయతీరాజ్ శాఖ ద్వారా రూ.6.31 కోట్లతో రహదారి విస్తరణ పనులు చేపట్టామని, అర్బన్ ఇన్‌ఫ్రాస్ట్రక్చర్, నెల్లూరు అర్బన్ డెవలప్‌మెంట్ అథారిటీ నిధులతో మరో రూ.2.60 కోట్లతో సెంట్రల్ డివైడర్, వీధి దీపాలు, సుందరీకరణ తదితర పనులు చేపట్టినట్లు వివరించారు. ఆత్మకూరు ప్రజలు జాతీయ రహదారిని చేరుకునేందుకు గతంలో ఇరుకైన రహదారి, గుంతల కారణంగా ఇబ్బందులు ఎదుర్కొనేవారని, ముఖ్యంగా స్థానికులు, విద్యార్థులు, రైతులకు మెరుగైన రవాణా సౌకర్యాలు కల్పించాలనే ఉద్దేశంతో ఈ రహదారిని అభివృద్ధి చేసినట్లు తెలిపారు. రహదారి సమీపంలోని ఆలయంలో కొలువైన 50 అడుగుల ఆంజనేయస్వామి విగ్రహం ప్రాధాన్యతను దృష్టిలో ఉంచుకుని ఈ రహదారికి ‘వాయుపుత్ర మార్గ్’గా నామకరణం చేస్తున్నట్లు వెల్లడించారు.

రాష్ట్రవ్యాప్తంగా పల్లె పండుగ కార్యక్రమాల ద్వారా గ్రామీణ రహదారుల అభివృద్ధికి ప్రభుత్వం చర్యలు చేపడుతోందని ఉప ముఖ్యమంత్రి తెలిపారు. పల్లె పండుగ 1.0, 2.0 కార్యక్రమాల కింద 9 వేల కిలోమీటర్లకు పైగా సీసీ రోడ్లు నిర్మించామని, మరో 10 వేల కిలోమీటర్ల బీటీ రోడ్ల పనులకు అనుమతులు ఇచ్చామని వివరించారు. పల్లె పండుగ 3.0 కింద మరో 6 వేల కిలోమీటర్ల సీసీ రోడ్లు, 9,500 కిలోమీటర్ల బీటీ రోడ్ల నిర్మాణానికి అనుమతులు మంజూరు చేసినట్లు పేర్కొన్నారు. వ్యవసాయ క్షేత్రాలకు రాకపోకలు సులభతరం చేసేందుకు 161 డొంక రోడ్ల నిర్మాణానికి కూడా ప్రాధాన్యత ఇస్తున్నామని తెలిపారు.

ఆత్మకూరు అభివృద్ధికి సంపూర్ణ సహకారం: పవన్ కళ్యాణ్

రాష్ట్ర దేవాదాయ శాఖ మంత్రి, ఆత్మకూరు ఎమ్మెల్యే శ్రీ ఆనం రామనారాయణ రెడ్డి గారి విజ్ఞప్తులపై ఉప ముఖ్యమంత్రి శ్రీ పవన్ కళ్యాణ్ సానుకూలంగా స్పందించారు. ఆత్మకూరు మెట్ట ప్రాంతంలో తాగునీటి సమస్య పరిష్కారానికి జల్ జీవన్ మిషన్ ద్వారా అవసరమైన చర్యలు చేపట్టాలని, సంగం మండలం వీర్లగుడిపాడు వద్ద పెన్నా నదిపై వంతెన నిర్మాణానికి ప్రతిపాదనలు, తదుపరి చర్యలను వేగవంతం చేయాలని పంచాయతీరాజ్ శాఖ ఇంజినీర్ ఇన్ చీఫ్‌ను ఆదేశించారు. నర్సాపురం నుంచి నాగులపాడు వరకు రహదారి విస్తరణ అంశాన్ని కూడా మంత్రి ప్రస్తావించారు. ఆత్మకూరు ప్రాంత అభివృద్ధికి సంపూర్ణ సహాయ సహకారాలు అందిస్తామని ఉప ముఖ్యమంత్రి తెలిపారు.  మంత్రి ఆనం రామనారాయణ రెడ్డి గారి కుమార్తె ఆనం లీలా కైవల్య రెడ్డితో పాటు స్థానిక మహిళా ప్రజాప్రతినిధులను మంత్రి పరిచయం చేయగా, వారిని అభినందించిన ఉప ముఖ్యమంత్రి మహిళా శక్తి ప్రాధాన్యతను ప్రస్తావించారు.

దశాబ్దాల కల సాకారం.. ప్రజలకు రహదారిని అంకితం చేస్తున్నాం: మంత్రి ఆనం

ఆత్మకూరు ప్రజలు దశాబ్దాలుగా ఎదురుచూస్తున్న బైపాస్ రహదారిని పూర్తి చేసి ప్రజలకు అందుబాటులోకి తీసుకురావడం ఆనందంగా ఉందని రాష్ట్ర దేవాదాయ శాఖ మంత్రి శ్రీ ఆనం రామనారాయణ రెడ్డి తెలిపారు. 2012–13లో సింగిల్ లేన్ రహదారిగా ప్రారంభమైన పనులు గతంలో పూర్తికాలేదని, కూటమి ప్రభుత్వం అధికారంలోకి వచ్చిన తర్వాత ఉప ముఖ్యమంత్రి శ్రీ పవన్ కళ్యాణ్ గారిని కోరిన తొలి అభ్యర్థనల్లో ఈ రహదారి విస్తరణ ఒకటని పేర్కొన్నారు.  ఉప ముఖ్యమంత్రి రూ.6.31 కోట్లు మంజూరు చేయడంతో నాలుగు నెలల్లోనే రహదారి విస్తరణ పనులను పూర్తి చేయగలిగామని మంత్రి వివరించారు. అర్బన్ ఇన్‌ఫ్రాస్ట్రక్చర్ కింద రూ.2 కోట్లు, నుడా కింద రూ.60 లక్షలు సమకూరడంతో మొత్తం రూ.8.91 కోట్ల వ్యయంతో నాలుగు లేన్ల రహదారి, సెంట్రల్ డివైడర్, లైటింగ్, సుందరీకరణ పనులు చేపట్టినట్లు తెలిపారు. ఉదయం, సాయంత్రం వాకింగ్ చేసే మహిళలు, స్థానికులు ఎదుర్కొంటున్న ఇబ్బందులను గమనించి రహదారిని అభివృద్ధి చేశామని చెప్పారు.  ఆత్మకూరు మెట్ట ప్రాంతంలో తాగునీటి సమస్యకు శాశ్వత పరిష్కారం చూపేందుకు సోమశిల రిజర్వాయర్‌ను ఆధారంగా చేసుకుని జల్ జీవన్ మిషన్ కింద రూ.500 కోట్ల నిధులు కేటాయించాలని ఉప ముఖ్యమంత్రిని కోరినట్లు మంత్రి తెలిపారు. సంగం మండలం వీర్లగుడిపాడు వద్ద పెన్నా నదిపై వంతెన, కనెక్టివిటీ రోడ్డు నిర్మాణానికి రూ.25 కోట్లు, నర్సాపురం నుంచి నాగులపాడు వరకు రహదారి విస్తరణకు రూ.24 కోట్ల ప్రత్యేక ప్యాకేజీ మంజూరు చేయాలని విజ్ఞప్తి చేసినట్లు వివరించారు.

గ్రామీణ ప్రాంతాల్లో తొలి విడతగా రూ.17 కోట్లతో సీసీ రోడ్ల నిర్మాణానికి నిధులు మంజూరయ్యాయని, ఎన్నికల అనంతరం మరో రూ.14 కోట్ల సీసీ రోడ్లకు నిధులు ఇస్తామని హామీ లభించిందని మంత్రి పేర్కొన్నారు. దీంతో గ్రామీణ ప్రాంతాల్లో సుమారు రూ.29–30 కోట్లతో సీసీ రోడ్ల అభివృద్ధికి అవకాశం ఏర్పడిందన్నారు. ప్రధాన రహదారులు, గ్రామీణ రోడ్లు, తాగునీటి సదుపాయాల అభివృద్ధి ద్వారా ఆత్మకూరు నియోజకవర్గానికి మరిన్ని నిధులు తీసుకొచ్చేందుకు కృషి చేస్తామని స్పష్టం చేశారు. ఆత్మకూరు రహదారి నిర్మాణానికి నిధులు మంజూరు చేసి, అభివృద్ధి పనులను ప్రారంభించిన ఉప ముఖ్యమంత్రి శ్రీ పవన్ కళ్యాణ్ గారికి నియోజకవర్గ ప్రజల తరఫున మంత్రి ఆనం ప్రత్యేక ధన్యవాదాలు తెలిపారు.

సందడిగా సాగిన కార్యక్రమం   ఆత్మకూరు పట్టణంలో బైపాస్ రహదారి ప్రారంభోత్సవం సందర్భంగా పండుగ వాతావరణం నెలకొంది. ఉప ముఖ్యమంత్రి శ్రీ పవన్ కళ్యాణ్ గారి అభిమానులు, జనసేన, తెలుగుదేశం, బీజేపీ కూటమి కార్యకర్తలు, స్థానిక ప్రజలు పెద్ద సంఖ్యలో పాల్గొన్నారు. పవన్ కళ్యాణ్ గారు వర్చువల్‌గా ప్రారంభోత్సవంలో పాల్గొన్న సమయంలో అభిమానులు కేరింతలు, జేజేలతో తమ ఆనందాన్ని వ్యక్తం చేశారు.  ఉప ముఖ్యమంత్రి, మంత్రి ఆనం రామనారాయణ రెడ్డి గార్ల సమక్షంలో రహదారి అభివృద్ధి, ప్రారంభోత్సవ కార్యక్రమం కోలాహలంగా సాగింది.  ఈ కార్యక్రమంలో స్థానిక ప్రజాప్రతినిధులు, అధికారులు,  ప్రజలు పాల్గొన్నారు.

ఆత్మకూరు, రవి కిరణాలు  :   ఆత్మకూరులో అంగరంగ వైభవంగా వాయుపుత్ర మార్గ్ బైపాస్ రహదారి ప్రారంభోత్సవం    వాయుపుత్ర మార్గ్ బైపాస్ రహదారిని వర్చువల్ విధానంలో శిలాఫలకాన్ని ఆవిష్కరించి ప్రజలకు అంకితం చేసిన రాష్ట్ర ఉప ముఖ్యమంత్రి శ్రీ కొణిదల పవన్ కళ్యాణ్   పేరుతో ఆత్మకూరు అభయాంజనేయ స్వామి ఆలయంలో ప్రత్యేక పూజలు చేసి ప్రసాదాలను, అయోధ్య శ్రీరాముని ప్రతిమను పవన్ కళ్యాణ్ తరఫున  మంత్రి ఆనంకు అందచేసిన వేద పండితులు, ఆనం కుమార్తె లీలా కైవల్య రెడ్డి, స్థానిక మహిళలు   ఆద్యంతం ఉత్సాహంగా, ఆహ్లాదభరితంగా కొనసాగిన కార్యక్రమం   జాతీయ రహదారి–67 నుంచి ఆత్మకూరు బైపాస్ వరకు రూ.8.91 కోట్లతో అభివృద్ధి చేసిన  బైపాస్ రోడ్డును అమరావతి నుంచి  వర్చువల్ గా ప్రారంభించిన డిప్యూటీ సీఎం శ్రీ పవన్ కళ్యాణ్    గతంలో రెండు వరుసలుగా ఉన్న రహదారిని, మధ్యలో డివైడర్‌తో పాటు సెంట్రల్ లైటింగ్, బ్యూటిఫికేషన్, మెరుగైన రహదారి సదుపాయాలతో నాలుగు వరుసల రహదారిగా అభివృద్ధి చేయడం పట్ల తమ ఆనందాన్ని వ్యక్తం చేస్తున్న ఆత్మకూరు పట్టణ ప్రజలు   తమ చిరకాల కోరిక నెరవేర్చిన ముఖ్యమంత్రి శ్రీ నారా చంద్రబాబు నాయుడు గారికి, డిప్యూటీ సీఎం శ్రీ పవన్ కళ్యాణ్ గారికి, రాష్ట్ర దేవాదాయ శాఖ మంత్రి శ్రీ ఆనం రామనారాయణ రెడ్డి గారికి ప్రత్యేక ధన్యవాదాలు తెలిపిన ఆత్మకూరు ప్రజానీకం

గుంటుపల్లి అభ్యర్థిత్వం ఖరారయ్యేనా.. సంకేతాలు!  టీడీపీ అధినాయక ప్రకటనపై ఆసక్తి!

కావలి, రవి కిరణాలు  :    కావలి మున్సిపల్ చైర్మన్ అభ్యర్థిగా ఎవరిని ప్రకటించనున్నారనే చర్చలో గుంటుపల్లి రాజ్ కుమార్ చెరదా పేరు ప్రధానంగా వినిపిస్తున్నట్లు సమాచారం.  తెలుగుదేశం పార్టీ తరఫున ఆయన అభ్యర్థిత్వం ఖరారయ్యే సూచనలు కనిపిస్తున్న నేపథ్యంలో ఈ అంశం పట్టణ రాజకీయాల్లో ఆసక్తిని రేకెత్తిస్తోంది.  చైర్మన్ అభ్యర్థిగా రాజ్ కుమార్ చెరదాకు అవకాశం దక్కుతుందా? పార్టీ నాయకత్వం నుంచి ప్రకటన ఎప్పుడు వెలువడుతుంది? అనే అంశాలపై రాజకీయ వర్గాల్లో చర్చ జరుగుతోంది.   అయితే, అభ్యర్థిత్వంపై అధికారిక ప్రకటన వెలువడే వరకు స్పష్టత వచ్చే అవకాశం లేదు. టీడీపీ నాయకత్వం తీసుకునే నిర్ణయంపై సర్వత్రా ఆసక్తి నెలకొంది.

ఈ సందర్భంగా కళాశాల డైరెక్టర్ డాక్టర్ కె. విశ్వక్సేన రెడ్డి మాట్లాడుతూ, రక్తదానం అనేది అత్యంత గొప్ప మానవతా సేవ అని పేర్కొన్నారు. ఆరోగ్యవంతులైన ప్రతి ఒక్కరూ వైద్యుల సూచనల మేరకు స్వచ్ఛందంగా రక్తదానం చేసేందుకు ముందుకు రావాలని పిలుపునిచ్చారు. మనం చేసే ఒక్కసారి రక్తదానం అవసరమైన వారికి ప్రాణదానంగా మారుతుందని, రక్తదానం పట్ల సమాజంలో ఉన్న అపోహలను తొలగించి యువతలో సేవాభావాన్ని పెంపొందించాలని అన్నారు. విద్యార్థులు విద్యతో పాటు సామాజిక బాధ్యతను కూడా అలవర్చుకోవాలని సూచించారు. కళాశాల అడ్వైజర్ డాక్టర్ ఏ.వి.ఎస్. ప్రసాద్, డీన్ డాక్టర్ జి. శ్రీనివాసులు రెడ్డి తదితరులు మాట్లాడుతూ, సమాజానికి ఉపయోగపడే సేవా కార్యక్రమాలను నిర్వహించడం నారాయణ విద్యాసంస్థల ప్రధాన లక్ష్యాలలో ఒకటని తెలిపారు. యువత రక్తదానంపై అవగాహన పెంపొందించుకుని . రక్తదానం వల్ల ఇతరుల ప్రాణాలను కాపాడటమే కాకుండా సమాజంలో మానవత్వం, సహకారం, సేవాభావం పెరుగుతాయని అన్నారు. ఇలాంటి కార్యక్రమాలను కళాశాలలో నిరంతరం నిర్వహిస్తూ విద్యార్థులను సామాజిక సేవలో భాగస్వాములను చేయడానికి యాజమాన్యం ఎల్లప్పుడూ ప్రోత్సహిస్తుందని తెలిపారు.

ఎన్ఎస్ఎస్ కన్వీనర్ ఎన్. కోటేశ్వరరావు మాట్లాడుతూ ఈ మెగా రక్తదాన శిబిరం ద్వారా స్వచ్ఛంద రక్తదానం ప్రాముఖ్యతను విస్తృతంగా ప్రచారం చేయడంతో పాటు, అత్యవసర సమయాల్లో రక్తం అవసరమైన వారికి సహాయం చేయాలనే సందేశాన్ని అందించారు. “ప్రతి రక్తదాత ఒక ప్రాణరక్షకుడు” అనే నినాదానికి అనుగుణంగా రక్తదానంపై అవగాహన కల్పించడం ఈ కార్యక్రమం ప్రధాన ఉద్దేశమని తెలిపారు. రక్తదానం చేయడానికి ముందుకు వచ్చిన దాతలను అభినందించారు. ఈ కార్యక్రమంలో డాక్టర్  డి. రాజేష్ రెడ్డి,అధ్యాపకులు, విద్యార్థులు మరియు ఎ ఓ కొండారెడ్డి ,అధ్యాపకేతర సిబ్బంది , ఎన్ఎస్ఎస్ వాలంటీర్లు, పాల్గొని కార్యక్రమం విజయవంతం చేశారు.