Ravikiranalu TV

 కావలిలో జనసేన బలోపేతానికి కృషి

పార్టీ నాయకులు, కార్యకర్తలు, వీర మహిళలు, కూటమి నేతలతో కలిసి ముందుకు..

పవన్ కళ్యాణ్‌ అభివృద్ధి, సంక్షేమ కార్యక్రమాలకు ఆకర్షితుడై జనసేనలో చేరిక

కావలి,రవి కిరణాలు :  కావలి నియోజకవర్గంలో జనసేన పార్టీని మరింత బలోపేతం చేసేందుకు నాయకులు, కార్యకర్తలు, అభిమానులు, వీర మహిళలు, కూటమి నాయకులతో కలిసి తన వంతు కృషి చేస్తానని జనసేన నాయకుడు తెలిపారు. పార్టీ కార్యక్రమాలను ప్రజల్లోకి విస్తృతంగా తీసుకెళ్లడంతో పాటు నాయకులు, కార్యకర్తలతో సమన్వయంతో ముందుకు సాగుతానని పేర్కొన్నారు.

తన రాజకీయ ప్రయాణంలో ఒకటికి రెండుసార్లు తనను ఉపయోగించుకుని అనంతరం సస్పెండ్ చేయడం ప్రపంచంలో ఎక్కడైనా జరిగిందా? అని ఆయన సూటిగా ప్రశ్నించారు. రాజకీయాల్లో ఎదురైన అనుభవాల నేపథ్యంలో జనసేన పార్టీలో చేరాలని నిర్ణయించుకున్నట్లు తెలిపారు.

పవన్‌ కళ్యాణ్‌ విధానాలకు ఆకర్షితుడై..

ఉప ముఖ్యమంత్రి పవన్ కళ్యాణ్‌ ఆధ్వర్యంలో జరుగుతున్న అభివృద్ధి కార్యక్రమాలు, సంక్షేమ పథకాలకు ఆకర్షితుడై జనసేన పార్టీలో చేరినట్లు తెలిపారు. ప్రజలకు ఉపయోగపడే కార్యక్రమాలను ముందుకు తీసుకెళ్లే లక్ష్యంతో పార్టీ కోసం పనిచేస్తానన్నారు.

కావలి నియోజకవర్గంలో జనసేన పార్టీకి మరింత బలమైన పునాది ఏర్పడేలా క్షేత్రస్థాయిలో నాయకులు, కార్యకర్తలతో కలిసి పనిచేస్తానని పేర్కొన్నారు. పార్టీని భవిష్యత్తులో ఎలా ముందుకు తీసుకెళ్తానో అందరూ చూస్తారని ధీమా వ్యక్తం చేశారు.

ఉదయగిరి సభకు భారీ ఏర్పాట్లు

ఉదయగిరిలో నిర్వహించనున్న బహిరంగ సభను విజయవంతం చేసేందుకు భారీ ఏర్పాట్లు చేస్తున్నట్లు జనసేన నాయకులు తెలిపారు. సభకు పెద్ద సంఖ్యలో పార్టీ నాయకులు, కార్యకర్తలు, అభిమానులు తరలివచ్చేలా సమన్వయంతో కార్యక్రమాలు చేపడుతున్నట్లు పేర్కొన్నారు.

కావలి నియోజకవర్గం నుంచి కూడా జనసేన శ్రేణులు సభకు పెద్ద సంఖ్యలో హాజరై కార్యక్రమాన్ని విజయవంతం చేయాలని నాయకులు పిలుపునిచ్చారు.