Ravikiranalu TV

SPS నెల్లూరు జిల్లా,

జిల్లా పోలీసు కార్యాలయం, తేది.18.09.2025.

ఏఆర్‌హెడ్‌ క్వార్టర్స్‌లోని ఆయుధాల గది మరియు ఇంటిగ్రేటెడ్ పోలీస్ కమాండ్ కంట్రోల్ రూంను సందర్శించిన జిల్లా యస్.పి. శ్రీమతి డా.అజిత వేజెండ్ల,IPS., గారు

 ఏఆర్‌హెడ్‌ క్వార్టర్స్‌లోని ఆయుధాల గది, స్టోర్ రూమ్, అడిషనల్ యస్.పి.(AR), DSP(AR), ఆర్‌ఐ అడ్మిన్‌, ఆర్‌ఐ వెల్ఫేర్ గదులు మరియు ఇంటిగ్రేటెడ్ పోలీస్ కంట్రోల్ రూమ్ ను సందర్శించిన జిల్లా యస్.పి. గారు.

 బెల్ ఆఫ్‌ ఆమ్స్‌లో గల ఆయుధాల ఎన్ని ఉన్నాయి? ఏవేవి ఉన్నాయి? మందుగుండు సామాగ్రి, స్టోర్ రూమ్ లో గల అత్యవసర సామాగ్రి తదితర వస్తువులను పరిశీలించారు.

 ఆయుధాలను ఎల్లప్పుడు శుభ్రంగా ఉంచుకోవాలని, బాధ్యతాయుతంగా విధులను నిర్వర్తించాలని, అప్రమత్తంగా ఉండాలని సూచించారు.

 అనంతరం పోలీస్ కమాండ్ కంట్రోల్ రూమ్ ను సందర్శించి CC కెమెరాలు, LHMS, వీడియో వాల్, డయల్-112 కంట్రోల్ రూమ్ వ్యవస్థ పనితీరును పరిశీలన.

 అనంతరం సిబ్బందితో మాట్లాడుతూ CCTV కెమెరాలు, ఏవి పని చేస్తున్నాయి..? ఎక్కడెక్కడ పనిచెయ్యట్లేదు..? ఎందుకు..? వెంటనే మరమ్మత్తులు చేయాలని ఆదేశాలు. 

 డయల్-112 మరియు శక్తి యాప్ కాల్స్ వచ్చిన వెంటనే సంబంధిత అధికారులకు సమాచారం అందించాలని, ఎటువంటి జాప్యం జరగరాదని, సౌకర్యాలు ఇంకా ఏమైనా కావాలా అని అడిగి, నిరంతరం అప్రమత్తంగా ఉండాలని, క్రమశిక్షణతో విధులు నిర్వహించండని హెచ్చరికలు. 

 బీట్ వ్యవస్థ, హైవే మొబైల్, VHF సెట్ మానిటరింగ్ లను పరిశీలించారు.

 ఈ మధ్య కాలంలో CC TV పుటేజి ద్వారా చేధించిన కేసులను తెలుసుకొని, నేర నిరోధం మరియు ట్రాఫిక్ నియంత్రణ లో బాగా పని చేయాలని, సమర్ధతను మరింత పెంచుకోవాలని సూచనలు.

 సమయపాలన పాటించండి.. విధులలో అలసత్వం వహిస్తే సహించేది లేదు. 

 కంట్రోల్ రూమ్ వ్యవస్థ పనితీరు బాగుందని, పరిసరాలు శుభ్రంగా ఉన్నాయని అభినందనలు.

 ఈ సందర్శనలో జిల్లా యస్.పి. గారితో పాటు అడిషనల్ యస్.పి.(అడ్మిన్) శ్రీమతి CH.సౌజన్య గారు, AR DSP శ్రీ చంద్రమోహన్, RI వెల్ఫేర్ శ్రీ రాజారావు, RI MT శ్రీ హరిబాబు, PCR CI శ్రీ భక్తవత్సల రెడ్డి, PCR SI, RSI లు పాల్గొన్నారు.

 అండమాన్ ద్వీపాలలో పరిశుభ్రత కార్యక్రమాలు

అంతర్జాతీయ తీర పరిశుభ్రత దినోత్సవాన్ని (సెప్టెంబర్ 20, 2025) పురస్కరించుకుని, హైదరాబాద్ లోని భారత జాతీయ సముద్ర సమాచార సేవల కేంద్రం (INCOIS) రెండు ముఖ్యమైన పరిశుభ్రత కార్యక్రమాలను నిర్వహిస్తోంది. సముద్ర కాలుష్యం గురించి అవగాహన పెంచడం, సముద్ర పర్యావరణాన్ని పరిరక్షించే అవసరాన్ని తెలియజేయడం ఈ కార్యక్రమాల ప్రధాన ఉద్దేశ్యం.

మొదటి పరిశుభ్రత కార్యక్రమం 2025 సెప్టెంబర్ 17న హవ్‌లాక్ ద్వీపం (స్వరాజ్ ద్వీపం)లో జరుగనుంది. ఇక్కడ INCOIS శాస్త్రవేత్తలు, స్థానిక స్వచ్ఛంద కార్యకర్తలతో కలిసి సముద్రగర్భంలో పెరుకుపోయిన ప్లాస్టిక్, ఇతర వ్యర్థాలను తొలగించి, శుభ్రపరుస్తారు. ఈ ప్రయత్నం సముద్ర జీవరాశులు, స్థానిక పర్యావరణ వ్యవస్థలను రక్షించే ప్రయత్నాల్లో అత్యంత కీలకం.

రెండవ తీర పరిశుభ్రత కార్యక్రమాన్ని 2025 సెప్టెంబర్ 20న పోర్ట్ బ్లేయర్‌లో పాండిచ్చేరి విశ్వవిద్యాలయం సహకారంతో నిర్వహించనున్నారు. ఈ కార్యక్రమం తీరప్రాంతాలు, సముద్ర తీరం శుభ్రపరచడంపై దృష్టి పెట్టనుంది. ఇందులో INCOIS సిబ్బంది, స్థానిక సంస్థలు, స్వచ్ఛంద సేవకులు పాల్గొంటారు.

మన సముద్రాలు, తీర ప్రాంతాలను శుభ్రంగా ఉండేలా చూసుకోవడం ఎంత ముఖ్యమో ప్రజలకు అవగాహన కల్పించడమే ఈ కార్యక్రమాల లక్ష్యం. కాలుష్యాన్ని తగ్గించడంలో ప్రతి ఒక్కరూ తమ పాత్రను పోషించాల్సిన అవసరాన్ని ఈ కార్యక్రమాలు చేస్తున్నాయి. ప్రజలు వ్యర్థాల నిర్వహణ, ప్లాస్టిక్ వినియోగాన్ని తగ్గించడం ద్వారా ఈ ప్రయత్నాల్లో భాగస్వామ్యం కావాలని INCOIS పిలుపునిస్తుంది.

కీలక వివరాలు:

 *నీటి లోపల పరిశుభ్రత కార్యక్రమం:

   తేదీ: 17 సెప్టెంబర్ 2025

   ప్రాంతం: హేవ్‌లాక్ ఐలాండ్ (స్వరాజ్ ద్వీప్), అండమాన్ ఐలాండ్స్

 * తీరప్రాంత పరిశుభ్రత కార్యక్రమం:

  తేదీ: 20 సెప్టెంబర్ 2025

 ప్రాంతం: పోర్ట్ బ్లెయిర్, అండమాన్ ఐలాండ్స్

ర్వాహకులు: INCOIS, హైదరాబాద్; పాండిచ్చేరి విశ్వవిద్యాలయం.

 12వ పి.ఆర్.సి వెంటనే ప్రకటించాలి మున్సిపల్ కార్మికుల ర్యాలీ ధర్నా. 

రవి కిరణాలు తిరుపతి జిల్లా సూళ్లూరుపేట సెప్టెంబర్ 18:- 

 ఏపీ మున్సిపల్ వర్కర్స్ అండ్ ఎంప్లాయిస్ ఫెడరేషన్ సిఐటియు ఆధ్వర్యంలో గురువారం మున్సిపల్ కార్మికులు సూళ్లూరుపేట పట్టణంలోని సిఐటియు ఆఫీసు వద్ద నుండి మున్సిపల్ కార్యాలయం వరకు ర్యాలి నిర్వహించి    కార్యాలయం వద్ద ధర్నా కార్యక్రమం చేపట్టారు. 12వ పిఆర్సి ప్రకటించాలని,  మున్సిపల్ కార్మికులకు వేతనాలు పెంచాలని,  తిరుపతి జిల్లా ప్రధాన కార్యదర్శి వడ్డీపల్లి చెంగయ్య మాట్లాడుతూ  తెలుగుదేశం కూటమి ప్రభుత్వం వెంటనే స్పందించి 12వ పిఆర్సి అమలు చేసి మున్సిపల్ కార్మికులకు వర్తింపచేయాలని, గత జులై నెలలో సమ్మె కాలపు వేతనం వెంటనే వేయాలని, గత 17 రోజుల సమ్మె కాలంపు ఒప్పందాలు అన్నిటికీ వెంటనే జీవోలు ఇవ్వాలని, సంక్షేమ పథకాలకి సంబంధించి జీవో వెంటనే విడుదల చేయాలని,రిటైర్మెంట్ అయిన వారికి మరణించిన వారికి అనారోగ్యం పాలైన వారికి వారి కుటుంబాల్లో ఒకరికి ఉద్యోగం ఇచ్చి వారి కుటుంబాన్ని ఆదుకోవాలని,  పర్మినెంట్ కార్మికులకు డిఏ సరెండర్ లీవ్ బకాయిలు చెల్లించాలని, పట్టణాల విస్తరణ మేరకు సిబ్బంది సంఖ్యను పెంచాలని,  కార్మికులపై పనిభారం తగ్గించాలని, దహన సంస్కారాలకు సంబంధించి 15 వేల నుండి 20 వేలకు పెంచుతూ కుదిరిన ఒప్పందం అమలు చేయాలని, రిటైర్మెంట్ బెనిఫిట్ జీవో వెంటనే ఇవ్వాలని, ఎన్ఎంఆర్ బదిలీ కోవిడ్ క్లాప్ డ్రైవర్లకు 21 వేల రూపాయలు జీతం చెల్లించాలని . ఎక్స్గ్రేషియా ఐదు లక్షల నుండి ఏడు లక్షలకు పెంచాలని  స్థానికంగా మున్సిపల్ కార్మికులు ఎదుర్కొంటున్న సమస్యలన్నిటిని కమీషనర్ జోక్యం చేసుకుని  పరిష్కారం చేయాలని అన్నారు. ఈ కార్యక్రమంలో యూనియన్  అధ్యక్షులు చిన్నయ్య  కార్యదర్శి చెంగయ్య  నాయకులు వెంకటరత్నం రామయ్య వల్లెమ్మ, చంగమ్మ, గోపాల్ రమణయ్య తదితరులు పాల్గొన్నారు.

 ఫైనాన్స్‌ కమిటీ సమావేశంలో పాల్గొన్న ఎంపీ వేమిరెడ్డి

నెల్లూరు పార్లమెంట్‌ సభ్యులు, మెంబర్ ఆఫ్ ఫైనాన్స్ కమిటీ  వేమిరెడ్డి ప్రభాకర్‌రెడ్డి గురువారం ఢిల్లీలోని సంవిధాన్‌ సదన్‌ లో జరిగిన కేంద్ర ఆర్థిక వ్యవహారాల స్టాండింగ్ కమిటీ సమావేశంలో పాల్గొన్నారు. ఈ సందర్భంగా సమావేశానికి ముందు ఫైనాన్స్‌ కమిటీ సభ్యులకు ప్రత్యేక ఫొటో సెషన్‌ నిర్వహించారు. ఈ నేపథ్యంలో ఫొటో సెషన్‌లో మిగతా కమిటీ సభ్యులతో ఆయన ఫొటోలు దిగారు. అనంతరం కమిటీ సమావేశంలో పాల్గొని వివిధ ఆర్థిక అంశాలపై సుదీర్ఘంగా చర్చించారు.

11 మార్గాల్లో కొత్త రైల్వే లైన్లు - బుల్లెట్‌ రైళ్లు నడిపేలా హైస్పీడ్‌ కారిడార్లు

రైలు అనుసంధానం లేని 11 మార్గాల్లో కొత్త లైన్ల నిర్మాణంపై రైల్వేశాఖ దృష్టి - మొత్తంగా 1,960 కి.మీ. మేర 26 ప్రాజెక్టులకు నివేదికల రూపకల్పన

రాష్ట్రంలోని ఒంగోలు నుంచి దొనకొండ, దూపాడు నుంచి బేతంచర్ల, మచిలీపట్నం నుంచి నరసాపురం, రేపల్లె వంటి ప్రాంతాలకు కొత్త రైల్వే లైన్లు నిర్మించేలా సమగ్ర ప్రాజెక్ట్‌ నివేదికలు సిద్ధమవుతున్నాయి. ఏపీ మీదుగా హైదరాబాద్‌ నుంచి బెంగళూరు, హైదరాబాద్‌ నుంచి చెన్నైలకు బుల్లెట్‌ రైళ్లు నడిపేలా హైస్పీడ్‌ కారిడార్ల నిర్మాణం, ఇప్పటికే ఉన్న మార్గాల్లో రైళ్ల రద్దీ ఎక్కువగా ఉండే వైపు అదనంగా మూడు, నాలుగు, ఐదు, ఆరో లైన్‌ నిర్మాణానికి డీపీఆర్‌లు తయారు చేస్తున్నారు. మొత్తంగా రాష్ట్రవ్యాప్తంగా 1,960 కి.మీ. మేర 26 ప్రాజెక్టులకు రైల్వేశాఖ డీపీఆర్‌లు రూపొందిస్తోంది.

ప్రస్తుతం దక్షిణ మధ్య రైల్వే జోన్‌లో సికింద్రాబాద్, హైదరాబాద్, నాందేడ్, విజయవాడ, గుంటూరు, గుంతకల్‌ ఆరు డివిజన్లు ఉన్నాయి. పునర్విభజన తర్వాత సికింద్రాబాద్, హైదరాబాద్, నాందేడ్‌ డివిజన్లు దక్షిణ మధ్య రైల్వేలో మిగులుతాయి. విజయవాడ, గుంటూరు, గుంతకల్‌ డివిజన్లు ఏపీలో విశాఖపట్నం కేంద్రంగా ప్రకటించిన దక్షిణ కోస్తా జోన్‌లోకి వెళతాయి. ఇందులో సికింద్రాబాద్, గుంతకల్, విజయవాడ, గుంటూరు డివిజన్ల సరిహద్దుల్లో మార్పులకు ప్రతిపాదనలు వెళ్లాయి.

మొత్తంగా 26 ప్రాజెక్టుల డీపీఆర్‌లు నవంబరు, డిసెంబరు నాటికి పూర్తిచేసేలా లక్ష్యాన్ని నిర్దేశించారు.

ప్రాజెక్ట్ కి.మీ. (ఏపీ పరిధిలో)

• హైదరాబాద్-బెంగళూరు హైస్పీడ్ కారిడార్ 300
• హైదరాబాద్-చెన్నై హైస్పీడ్ కారిడార్ 464
• ఒంగోలు-దొనకొండ కొత్త లైన్ 87.45
• దూపాడు-బేతంచెర్ల కొత్త లైన్ 47.61
• మచిలీపట్నం-నరసాపురం కొత్త లైన్ 73.99
• మచిలీపట్నం-రేపల్లె కొత్త లైన్ 45.30
• బాపట్ల-రేపల్లె కొత్త లైన్ 45.81
• పాలసముద్రం-నారాయణపురం కొత్త లైన్ 23
• కాచిగూడ-చిట్యాల-జగ్గయ్యపేట కొత్త లైన్ 10
• కొండపల్లి-సత్తుపల్లి కొత్త లైన్ 4.87
• కొత్తగూడెం-కిరండోల్ కొత్త లైన్ 12.31
• కొత్తవలస-అనకాపల్లి మధ్య బైపాస్ లైన్ 33
• గుంతకల్లు వద్ద బైపాస్, రైల్ ఒవర్ రైల్ (ఆర్వోఆర్)వంతెన 12.20
• పేరేచర్ల-మంగళగిరి మధ్య బైపాస్ లైన్, ఆర్వోఆర్ వంతెన 36
• కాజీపేట-విజయవాడ మధ్య నాలుగో లైన్ 36
• విజయవాడ-గూడూరు మధ్య నాలుగో లైన్ 293
• గుంతకల్లు-బళ్లారి మధ్య నాలుగో లైన్ 24.21
• వాడి-గుంతకల్లు మధ్య మూడు, నాలుగు లైన్లు 93.82
• బంగార్పేట-జోలార్ పెట్టై నాలుగో లైన్ 30
• గుమ్మడిపూండి-సూళ్లూరుపేట మధ్య మూడు, నాలుగు లైన్లు 18.40
• సూళ్లూరుపేట-గూడూరు మధ్య మూడు, నాలుగు లైన్లు 55
• అరక్కోణం-రేణిగుంట మధ్య మూడు, నాలుగు లైన్లు 43
• గోపాలపట్నం-దువ్వాడ మధ్య మూడు, నాలుగు లైన్లు 10
• సింహాచలం నార్త్-కొత్తవలస మధ్య ఐదు, ఆరు లైన్లు 16
• రాయదుర్గం-తుముకూరు రెండో లైన్ 93
• మలుగూరు-మడకశిర-హిరియూరు మధ్య రెండో లైన్ 52
• మొత్తం 1,960 కిలో మీటర్లు

గత ప్రభుత్వ హయాంలో అంగన్వాడీలపై పెట్టిన కేసులు ఎత్తివేయాలి

•  అంగన్‌వాడీలంటే అమ్మ లాంటి సేవలు అందించేవారు
•  సూపర్ సిక్స్ ద్వారా ప్రజలకు నిజమైన సంక్షేమాన్ని కూటమి ప్రభత్వం అందిస్తోంది. 
•  అద్దె భవనాలలో నిర్వహిస్తున్న అంగన్వాడీ సెంటర్లకు సొంత భవనాలు ఏర్పాటు చేయాలి. 
•  గిరిజన ప్రాంతాలలో స్త్రీలు, పిల్లలకు సేవలందించే అంగన్వాడి సెంటర్లలో మౌలిక సదుపాయాలూ కల్పించండి. 
•  శాసనసభలో ఎమ్మెల్యే వేమిరెడ్డి ప్రశాంతి రెడ్డి. 

ఎన్నికలలో ఇచ్చిన ప్రతి హామీని అమలు చేస్తూ ముఖ్యమంత్రి చంద్రబాబు నాయుడు గారు సూపర్ సిక్స్ ను సూపర్ హిట్ చేస్తున్నారన్నారని కోవూరు ఎమ్మెల్యే వేమిరెడ్డి ప్రశాంతి రెడ్డి గారు అన్నారు. గురువారం శాసనసభ తొలి రోజు సమావేశాల సందర్భంగా ఆమె అంగన్వాడీ వర్కర్ల సమస్యలపై గళమిప్పారు. ఈ సందర్భంగా ఎమ్మెల్యే ప్రశాంతి రెడ్డి గారు మాట్లాడుతూ అంగన్వాడీలు అంటే అమ్మ లాంటి సేవలు అందించేవారని, పిల్లల ప్రథమ గురువుగా బాధ్యతలు నెరవేరుస్తున్న వారి పట్ల ప్రభుత్వం సానుకూలంగా స్పందించాలన్నారు. గత ప్రభుత్వ హయాంలో అంగన్వాడీ టీచర్లు మీద పెట్టిన అక్రమ కేసులు ఎత్తి వేయవలసిందిగా ఆమె ప్రభుత్వానికి విజ్ఞప్తి చేసారు. ఫేస్ యాప్, ఇన్ , అవుట్ లొకేషన్ విధానాలలో ఉన్న సాంకేతిక సమస్యల కారణంగా అంగన్వాడీలు సమస్యలు ఎదుర్కొంటున్నారని ఆమె సభ దృష్టికి తెచ్చారు. 

అంగన్వాడీ కేంద్రాల అభివృద్ధి, ఉద్యోగుల సంక్షేమం కోసం 4200 రూపాయల జీతాన్ని ఒక్కసారిగా 10500 రూపాయలకు పెంచిన ఘనత సీఎం చంద్రబాబుకే దక్కుతుందన్నారు. రాష్ట్ర ప్రభుత్వం ఇటీవల ప్రవేశపెట్టిన GO Rt.No.116 కి సంబంధించి రాష్ట్రంలో ఉన్నమినీ అంగన్వాడీ  కేంద్రాలను మెయిన్ అంగన్వాడీ కేంద్రాలుగా అప్ గ్రేడ్ చేయడంతో పాటు కొత్తగా 4687 హెల్పర్ల నియామకానికి ప్రభుత్వం అనుమతి ఇవ్వడం పట్ల ఎమ్మెల్యే ప్రశాంతి రెడ్డి హర్షం వ్యక్తం చేశారు. నెల్లూరు జిల్లాలో యానాది తెగకు చెందిన గిరిజనులు ఎక్కువగా నివసించేది కోవూరు నియోజకవర్గంలోనేనని, 138 గిరిజన కాలనీలలో దాదాపు 35 వేల మంది గిరిజనులు నివసిస్తున్నారన్నారు. గిరిజన గర్భిణీ స్త్రీలు, పిల్లలు ఎక్కువగా అంగన్వాడీ కేంద్రాల మీద ఆధారపడి ఉంటారని, కోవూరు నియోజకవర్గ పరిధిలో 407 అంగన్వాడి సెంటర్లు ఉంటే వాటిలో 212 అంగన్వాడీ కేంద్రాలు సొంత భవనాలలో కొనసాగుతున్నట్లు చెప్పారు. 115 అంగన్వాడి సెంటర్లు అద్దె భవనాలలో ఉన్నాయని, మరో 80 అంగన్వాడి సెంటర్లు కొన్ని ప్రభుత్వ భవనాలలో తాత్కాలికంగా నిర్వహిస్తున్నారన్నారు. అద్దె భవనాలలో నిర్వహిస్తున్న అంగన్వాడీ సెంటర్లకు సొంత భవనాలు ఏర్పాటు చేసి  ఉన్న భవనాలలో మౌలిక సదుపాయాలు కల్పించవలసిందిగా మహిళా, శిశు సంక్షేమ శాఖ మంత్రి గారికి ఎమ్మెల్యే ప్రశాంతి రెడ్డి గారు విజ్ఞప్తి చేశారు.

రేణిగుంట.... తిరుపతి జిల్లా.

 భారీ అగ్ని ప్రమాదం. 50 కోట్ల పైగా ఆస్తి నష్టం.

 రేణిగుంట ఎయిర్పోర్ట్ సమీపంలోని మునోత్ ఇండస్ట్రీస్ లిమిటెడ్ అనే ఫ్యాక్టరీలో ఘటన.లిథియం ఆయాన్ బ్యాటరీల కర్మాగారంలో  చలరేగిన మంటలు. 9 ఫైర్ ఇంజన్లతో ఇంజన్లతో మంటలను అదుపు చేస్తున్న ఫైర్ సిబ్బంది.

 సహాయక చర్యల్లో ఏర్పేడు పోలీసులు.

 సొంతింటి కల సాకారం చేసుకోండి 

- పట్టణ ప్రాంతపేదలు ప్రధానమంత్రి ఆవాజ్ యోజన అర్బన్ 2. 0 పధకాన్ని సద్వినియోగం చేసుకోండి. 

- అంగీకార్ 2025 బ్రోచర్ ఆవిష్కరించిన ఎమ్మెల్యే ప్రశాంతి రెడ్డి. 

పట్టణ ప్రాంతాలలో నివసించే పేదలు ప్రధానమంత్రి ఆవాజ్ యోజన అర్బన్ 2. 0 పధకాన్ని సద్వినియోగం చేసుకోవాలని కోరారు ఎమ్మెల్యే వేమిరెడ్డి ప్రశాంతి రెడ్డి గారు. నెల్లూరు నగరం మాగుంట లే అవుట్ లోని ఆమె నివాసంలో హౌసింగ్ అధికారులతో కలిసి ప్రధానమంత్రి ఆవాజ్ యోజన అర్బన్ 2. 0 అంగీకార్ 2025 బ్రోచర్ ఆవిష్కరించారు. ఈ సందర్భంగా ఎమ్మెల్యే ప్రశాంతి రెడ్డి గారు మాట్లాడుతూ కోవూరు నియోజకవర్గంలో బుచ్చిరెడ్డి పాళెం పట్టణ వాసులకు ప్రధానమంత్రి ఆవాజ్ యోజన అర్బన్ 2. 0 పధకం వర్తిస్తుందన్నారు. సొంత ఇళ్ళు లేని పేదలు అక్టోబర్ 31 వరకు దఖాస్తులు చేసుకొని ప్రధానమంత్రి ఆవాజ్ యోజన అర్బన్ 2. 0 పధకం లబ్ది పొందాలని సూచించారు. ఈ కార్యక్రమంలో హౌసింగ్ పిడి వేణుగోపాలరావు, కోవూరు హౌసింగు డి ఇ వెంకటేశ్వర్లు రెడ్డి, బుచ్చిరెడ్డి పాళెం హౌసింగ్ ఎఇ కెసి పెంచలయ్య తదితరులు పాల్గొన్నారు.

తెలుగుదేశం పార్టీ యువ నాయకులు, కోవూరు వ్యవసాయ మార్కెటింగ్ ఛైర్మన్ బెజవాడ వంశీకృష్ణారెడ్డి జన్మదిన వేడుకలు విపిఆర్‌ నివాసంలో ఘనంగా జరిగాయి. మండలంలోని  విడవలూరు రామతీర్థం ఊటుకూరు, దండిగుంట, వారిణి, పార్లపల్లి ముదివర్తి, రామచంద్రపురం, వావిళ్ళ  గ్రామాల్లో  ఆయన అభిమానులు ఘనంగా నిర్వహించారు. ఈ సందర్భంగా కోవూరు శాసనసభ్యులు వేమిరెడ్డి ప్రశాంతి రెడ్డి గారు కేక్ కట్ చేసి వంశీ కృష్ణారెడ్డి గారికి జన్మదిన శుభాకాంక్షలు తెలిపారు. అదేవిధంగా పలువురు టిడిపి నాయకులు ఈ సంబరాల్లో పాల్గొని వంశీ కృష్ణారెడ్డికి పుట్టినరోజు శుభాకాంక్షలు తెలియజేశారు.

రవి కిరణాలు తిరుపతి జిల్లా సూళ్లూరుపేట సెప్టెంబర్ 17: - 

భారతదేశ ప్రధానమంత్రి నరేంద్ర మోడీ  జన్మదిన సందర్భంగా బుధవారం స్థానిక సూళ్లూరుపేటలోని శివాలయము నందు వారికి ఆయురారోగ్య ఐశ్వర్య ప్రాప్తి కలగాలని మరియు భారతదేశాన్ని , భారతదేశ ప్రజల యొక్క యోగక్షేమాలు మరియు వారికి సూపరిపాలన అందించే శక్తి సామర్థ్యాలను ఆ భగవంతుడు ప్రసాదించాలని బిజెపి కార్యకర్తలు ప్రార్థిస్తూ పూజాదికాలు నిర్వహించడం జరిగింది. మరియు వారి 75వ జయంతి సందర్భంగా 75 కొబ్బరికాయలను కొట్టడం జరిగింది.

 పై కార్యక్రమానికి ఆలయ చైర్మన్ తాటిపర్తి ఆదినారాయణ రెడ్డి  సూళ్లూరుపేట అర్బన్ మండల సేవా పక్షోత్సవ కమిటీ ఇన్చార్జ్ ఆరని విజయభాస్కర్ రెడ్డి , జిల్లా కార్యదర్శి బెజవాడ విజయమ్మ,  సీనియర్ నాయకులు తన్నీరు శేషగిరిరావు,  సేవా పక్షోత్సవ అర్బన్ కమిటీ మెంబర్లు  నూతలపాటి శ్రీనివాసులు,  ఇంగిలాల సాగర్,  పిచ్చుక సూరిబాబు, తుర్లపాటి శ్రీనివాసులు, కసంశెట్టి నిర్మలమ్మ, హైమావతి, మల్లికార్జునరెడ్డి , తడ మండలాధ్యక్షుడు తేజ రెడ్డి, రూరల్ సెక్రటరీ వాసు కుమార్ గౌడ్, అభిషేక్, దేవేందర్ రెడ్డి, వినోద్ కుమార్ రెడ్డి, మొదలగువారు పాల్గొన్నారు.

తదనంతరం చెంగాలమ్మ తల్లి దేవాలయానికి వెళ్లి మోడీ  పేరుతో అమ్మవారికి ప్రత్యేక పూజలు నిర్వహించి అర్చన చేయడం జరిగింది.

 రాజకీయాలకు అతీతంగా సంక్షేమ పథకాలు 

ప్రతి పల్లెలో కోట్లాది రూపాయలతో అభివృద్ధి పనులు 

కూటమి ప్రభుత్వంలో మళ్లీ గాడిన పడిన రాష్ట్ర అభివృద్ధి 

వైసీపీ నాయకులకు తెలిసింది అవినీతి, అక్రమాలతో క్యాష్ అండ్ క్యారీ మాత్రమే 

సర్వేపల్లి నియోజకవర్గ సమగ్ర అభివృద్ధే లక్ష్యంగా ముందుకు సాగుతున్నాం

మనుబోలు మండలం పిడూరు పంచాయతీలో రూ.1.75 కోట్లతో చేపట్టిన అభివృద్ధి పనులకు శంకుస్థాపనలు, ప్రారంభోత్సవాల సందర్భంగా సర్వేపల్లి శాసనసభ్యులు సోమిరెడ్డి చంద్రమోహన్ రెడ్డి 

పిడూరులో పర్యటించిన సోమిరెడ్డికి ఘన స్వాగతం పలికిన గ్రామస్తులు 

రూ.1.20 కోట్లతో జాతీయ రహదారి నుంచి పిడూరు వరకు బీటీ రోడ్డు నిర్మాణానికి శంకుస్థాపన 

పిడూరు – యాచవరం మధ్యలో సప్లయ్ ఛానల్ పై రూ.40 లక్షలతో నిర్మించిన బ్రిడ్జి ప్రారంభోత్సవం 

రూ. 15 లక్షలతో రెండు సిమెంట్ రోడ్ల నిర్మాణం 

రాష్ట్ర వ్యాప్తంగా అభివృద్ధి పనులు ట్రాక్ లో పడ్డాయి 

వైసీపీ ఐదేళ్ల పాలన కక్షసాధింపులకు పరిమితమైంది.రైతులకు వ్యవసాయ పరికరాలు అందించడం, విద్యార్థులకు మరుగుదొడ్లు తదితర సౌకర్యాలు కల్పించడం వంటి పనులు వారికి తెలియదు.ఓన్లీ క్యాష్ అండ్ క్యారీ విధానంలోనే ఐదేళ్లూ కొనసాగారు.కూటమి ప్రభుత్వంలో కక్షసాధింపులకు అవకాశం లేకుండా, రాజకీయాలకు అతీతంగా అభివృద్ధి, సంక్షేమ పథకాలు అందిస్తున్నాం .రాజకీయ ముద్ర వేసి పింఛన్లు తొలగించడం , యూరియా ఇవ్వకుండా ఆపడం, సంక్షేమ పథకాలు రద్దు చేయడం వంటి పనులు చేయవద్దని మా నాయకులకు స్పష్టంగా తెలియజేశాం. వైసీపీ పెద్ద మనుషులు చేసిన అక్రమాలను సరిదిద్దే ప్రయత్నంలో ఉన్నాం.ప్రస్తుతం పిడూరు వరకు నిర్మిస్తున్న రహదారిని త్వరలోనే లక్ష్మీనరసాపురం, కాగితాలపూరు మీదుగా జాతీయ రమదారికి కలుపుతాం .రెండో దశలో ఆ రోడ్డు నిర్మాణ పనులు చేపట్టి పూర్తి చేస్తాం .యాచవరం బ్రిడ్జి వందలాది ఎకరాల రైతులకు ఎంతో ఉపయోగకరంగా మారనుంది త్వరలోనే మనుబోలు ప్రాథమిక ఆరోగ్య కేంద్రాన్ని కూడా ప్రారంభించుకోబోతున్నాం .రూ.3 కోట్లతో మనుబోలులో హాస్టల్ భవన నిర్మాణానికి శంకుస్థాపన చేసుకుంటాం సంక్షేమ పథకాలు, అభివృద్ధి విషయంలో నిరుపేదలకు అత్యంత ప్రాధాన్యం ఇస్తున్నాం గతంలో ఎప్పుడూ లేని విధంగా పరిశ్రమల సీఎస్ఆర్ నిధులను సర్వేపల్లి నియోజకవర్గంలో అభివృద్ధి పనులకు ఖర్చు చేయిస్తున్నాం

SPS నెల్లూరు జిల్లా: 

తేది:17-09-2025

సర్వేపల్లి నియోజకవర్గం, పొదలకూరు మండలం, మహమ్మదాపురం గ్రామంలో పర్యటించిన మాజీ మంత్రివర్యులు మరియు ఉమ్మడి నెల్లూరు జిల్లా వైయస్సార్ కాంగ్రెస్ పార్టీ అధ్యక్షులు డా౹౹కాకాణి గోవర్ధన్ రెడ్డి గారు.గ్రామాల్లో నెలకొన్న ప్రస్తుత పరిస్థితులు, ప్రజలు ఎదుర్కొంటున్న అనేక సమస్యలు, యూరియా అందక, గిట్టుబాటు ధర లేక రైతులకు ఎదురవుతున్న గడ్డు పరిస్థితులు, మెడికల్ కాలేజీల ప్రైవేటీకరణ, తదితర అంశాలపై విస్తృతంగా చర్చించిన కాకాణి.వైయస్సార్ కాంగ్రెస్ పార్టీ నాయకులు గోగిరెడ్డి గోపాల్ రెడ్డి గారి తల్లి పెంచలమ్మ గారి పెద్దకర్మ కార్యక్రమంలో పాల్గొన్న కాకాణి.

గ్రామాల్లో ప్రజలు అనేక రకాల సమస్యలతో సతమతమవుతున్నారు.చంద్రబాబు సూపర్ సిక్స్ లో భాగంగా తాను ఇచ్చిన హామీలను కొన్నింటిని అసలు అమలు చేయకుండానే, మరికొన్నింటిని అరకొరగా అమలు చేస్తూ, సూపర్ సిక్స్ సూపర్ హిట్ అంటూ సభలు, సమావేశాలు నిర్వహించడం హాస్యాస్పదం.చంద్రబాబు మాటల ముఖ్యమంత్రి కానీ, చేతల ముఖ్యమంత్రి కాదని రుజువు చేసుకున్నాడు.వరి పండించిన రైతులు గిట్టుబాటు ధర లేక నెల్లూరు జిల్లాలో తీవ్రంగా నష్టపోతున్నారు.ధాన్యం రేట్లు రోజురోజుకి దిగజారి పోతున్నా, రైతుకు కనీస మద్దతు ధర కల్పించడంలో కూటమి ప్రభుత్వం విఫలమైంది.రాష్ట్రంలో జగన్మోహన్ రెడ్డి గారి హయాంలో ఉల్లి ధర క్వింటాలు రూ౹౹3500/-లు ఉంటే, నేడు క్వింటాలు ధర 600/- రూపాయలకు దిగజారడం దౌర్భాగ్యం.రైతులు యూరియా అందక నానా అవస్థలు పడుతుంటే, చంద్రబాబు పూటకో మాట మాట్లాడుతూ, కాలక్షేపం చేస్తున్నాడు.జగన్మోహన్ రెడ్డి గారు 17 మెడికల్ కాలేజీలను మంజూరు చేయించి, నిర్మిస్తే, చంద్రబాబు ప్రైవేట్ పరం చేయడం ఆంధ్ర రాష్ట్ర ప్రజలను తీవ్రంగా కలచి వేస్తుంది.చంద్రబాబు తన అనుకూల పత్రికల్లో ఎన్ని రకాల విష ప్రచారాలు చేసినా, పేద విద్యార్థులు వైద్య విద్యను అభ్యసించే అవకాశం లేకుండా, వాళ్ళ ఆశలపై నీళ్లు చల్లాడు. అనుభవజ్ఞుడు అని చెప్పుకునే చంద్రబాబు పాలనలో ఆంధ్ర రాష్ట్రం అధోగతి పాలైంది.చంద్రబాబు లక్షల కోట్లు అప్పు తెచ్చి అప్పుల ఆంధ్ర ప్రదేశ్ గా రాష్ట్రాన్ని మార్చేశాడు.చంద్రబాబు పాలన ప్రచార ఆర్భాటంలో "మిన్న" , కార్యరూపంలో "సున్న" అన్నట్లు తయారైంది.కూటమిపాలనలో అన్ని వర్గాల ప్రజలు తీవ్ర అవస్థలు పడుతున్నారు.ప్రతిపక్షంలో ఉన్నా, జగన్మోహన్ రెడ్డి గారి నాయకత్వంలో ప్రజలకు ఎల్లవేళలా అందుబాటులో ఉంటూ, అన్ని విధాలా అండగా నిలుస్తాం.

ఘోర రోడ్డు ప్రమాదంపై ఎంపీ వేమిరెడ్డి తీవ్ర దిగ్భ్రాంతి

నెల్లూరు జిల్లా సంగం మండలం పెరమన వద్ద జరిగిన ఘోర రోడ్డు ప్రమాదంలో ఏడుగురు మృతి చెందడంపై ఎంపీ వేమిరెడ్డి ప్రభాకర్‌రెడ్డి తీవ్ర దిగ్భ్రాంతి వ్యక్తం చేశారు.కారును ఇసుక టిప్పర్‌ ఢీకొని  ఏడుమంది మృత్యువాత పడటం అత్యంత బాధాకరమని ఆయన పేర్కొన్నారు.ప్రమాదం తీవ్ర ఆవేదన మిగిల్చిందని చెప్పారు. మృతుల కుటుంబాలకు తన ప్రగాఢ సానుభూతి తెలిసిన ఎంపీ వేమిరెడ్డి.. బాధిత కుటుంబాన్ని ప్రభుత్వం ఆదుకుంటుందని అన్నారు. క్షతగాత్రులకు తక్షణ సాయం అందించాలని ఆయన కోరారు.

మద్యం దుకాణం తొలగించాలని ఆర్డీవో కి వినతి

 కావలి: డెల్టా టుడే న్యూస్

 కావలి పట్టణంలో రామ్మూర్తి పేట, పుల్లారెడ్డి నగర్ మధ్యలో మద్యం దుకాణం నిర్వహించడం నిరసనగా  13 వాడు టిడిపి అధ్యక్షుడు ఆధ్వర్యంలో స్థానిక ప్రజలు  కావలి ఆర్డిఓ కి సోమవారం వినతిపత్రం అందజేశారు. ఈ సందర్భంగా  శ్రీకాంత్ మాట్లాడుతూ కాలేజీలో దేవాలయం మధ్యలో బ్రాందీ షాపులు నిర్వహించడం సిగ్గుచేటు అని ఆయన అన్నారు. పావుల ఆర్డీవో సానికూలంగా స్పందించి సమస్య పరిష్కరణ కృషి చేస్తున్న హామీ ఇచ్చారని ఆయన తెలిపారు

ప్రమాదాలు నివారణకు ప్రత్యేక చర్యలు

 కావలి ఆర్టీవో మురళీధర్

 ప్రమాదాలు నివారణ కు ప్రత్యేక చర్యలు చేపడుతున్నామని కావలి రవాణా శాఖ అధికారి మురళీధర్ పేర్కొన్నారు. నూతన కావలి రవాణా అధికారిగా రాష్ట్ర ప్రభుత్వం నియమించింది. ఈ సందర్భంగా  కావలి రవాణా అధికారి మురళీధర్ మాట్లాడుతూ కావలి  రోడ్డు ప్రమాదాలు నివారణలో భాగంగా  ప్రత్యేక చర్యలు చేపడుతున్నామని ఆయన అన్నారు. డ్రైవింగ్ లైసెన్స్ మంజూరులో  మధ్య వత్తులును నమ్మకుండా ఆన్లైన్ ద్వారా అప్లై చేసుకుని  అధికారికంగా  డ్రైవింగ్ లైసెన్స్ పొందవచ్చని ఆయన అన్నారు. ప్రభుత్వ చేపట్టిన దిశా నిర్దేశను  అమలు చేయుటకు కృషి చేస్తానని ఈ సందర్భంగా ఆయన తెలిపారు. ప్రజలు సమస్యలు ఎదురైతే  నేరుగా తన వద్దకు రావచ్చు అని ఆయన తెలిపారు.

జిల్లా పోలీసు కార్యాలయం, తేది.15.09.2025.

 SPS నెల్లూరు జిల్లా

దర్గామిట్ట పోలీసు స్టేషన్ ను సందర్శించిన జిల్లా యస్.పి. శ్రీమతి డా.అజిత వేజెండ్ల,IPS., గారు
పోలీసు స్టేషన్ల పరిధులు, భౌగోళిక స్థితిగతులు, పరిసరాలను, పోలీసు స్టేషన్స్ మ్యాప్స్, చార్ట్ లను, రిసెప్షన్ గదిని పరిశీలించి, స్టేషన్స్ పరిధిలో ఉన్న నేర మరియు శాంతి భద్రతల పరిస్థితులను పరిశీలించిన యస్.పి. గారు.గత మూడు సంవత్సరాల కాలంలో క్రైమ్ ఏవిధంగా ఉందో రికార్డులను పరిశీలించి, తగిన ఆదేశాలు జారీ చేసారు.పోలీస్ స్టేషన్ పరిధిలోని రౌడీషీటర్ లు, సస్పెక్ట్ లు మరియు పాత నేరస్తులపై నిఘా పెంచాలి. క్రిమినల్ చర్యలకు పాల్పడిన వారిపై చట్ట ప్రకారం కఠిన చర్యలు తీసుకోవాలని ఆదేశాలు.హత్య, దోపిడీ, ఇతర తీవ్ర నేరాల కేసులలో ముద్దాయిలపై రౌడీ షీట్ ఓపెన్ చేయాలని ఆదేశాలు.యాక్టివ్ గా ఉన్న రౌడీ షీటర్స్ పై PD యాక్ట్ నమోదు చేయాలని ఆదేశాలు.చట్ట వ్యతిరేక అసాంఘీక కార్యకలాపాలకు అడ్డుకట్ట వేయాలని ఆదేశాలు.విజబుల్ పోలీసింగ్, పెట్రోలింగ్ వ్యవస్థను ముమ్మరం చేయాలని, చైన్ స్నాచింగ్ నియంత్రణకు గట్టి ఆదేశాలు జారీ.మిస్సింగ్, బాడీలీ ఆఫెన్స్, మర్డర్, అనుమానాస్పద మరణాలు, హత్యాయత్నాల కేసులపై ప్రత్యేక దృష్టి సారించాలి. ప్రాపర్టీ నేరాల నియంత్రణకు కృషి చేయాలి. దొంగతనం కేసులలో కోల్పోయిన ప్రాపర్టీ రికవరీపై ప్రత్యేక దృష్టి సారించాలి.నమోదైన కేసులలో దర్యాప్తు వేగవంతం చేయాలని ఆదేశించి, పలు సూచనలు చేసిన యస్.పి. గారు.అంకితభావంతో విధులు నిర్వర్తిస్తూ సమర్థవంతమైన సేవల ద్వారా జిల్లా పోలీస్‌శాఖకు మంచి గుర్తింపు తీసుకురావాలి.పోలీస్ స్టేషన్ కు వచ్చే ఫిర్యాదు దారుల పట్ల మర్యాదపూర్వకంగా వ్యవహరించి, వారి సమస్యలకు స్పందించి, వారికి భరోసా కల్పించాలని సూచించారు.పోలీస్ స్టేషన్లో రైటర్, అసిస్టెంట్ రైటర్ , కంప్యూటర్ ఆపరేటర్ , కోర్టు విధులు, సాధారణ విధులు నిర్వహించే పోలీస్ సిబ్బంది తమకు కేటాయించిన పనులను నిర్ణీత సమయంలో పూర్తి చేయాలి.ప్రతి ఒక్క పోలీస్ సిబ్బంది చక్కని యూనిఫాం ధరించాలని, సమయ పాలన పాటించాలని, జవాబుదారీతనంగా విధులు నిర్వహిచాలని ఆదేశాలు.పోలీస్ సిబ్బంది కేటాయించిన గ్రామాలు/వార్డులలో క్షేత్ర స్థాయిలో పర్యటిస్తూ ఆయా ప్రాంతాల్లో శాంతి భద్రతల సమాచారాన్ని సేకరించి, ఎక్కడైనా ఏవైనా సున్నితమైన అంశాలు ఉంటే సదరు పోలీస్ స్టేషన్ అధికారి దృష్టికి తీసుకువచ్చి, వాటిని వేగంగా పరిష్కరించే విధంగా తగిన చర్యలు తీసుకోవాలని సూచించారు.పోలీసు స్టేషన్ సిబ్బంది యొక్క యోగ క్షేమాలు అడిగి, ఏమైనా సమస్యలు ఉన్నాయా అని, DPO లో ఏమైనా ఫైల్స్ పెండింగ్ ఉన్నాయా అని అడిగి, వెంటనే క్లియర్ చేయాలని ఆదేశించారు.పోలీస్ సిబ్బంది సంక్షేమాన్ని దృష్టిలో ఉంచుకొని కార్యాచరణలు, నూతన ప్రణాళికలను అమలు చేస్తామని, ప్రతి వారం మెన్ గ్రీవెన్స్ ఉంటుందని, అందరూ వినియోగించుకోవాలని తెలిపారు.ఈ సందర్శనలో జిల్లా యస్.పి. గారితో పాటు టౌన్ DSP శ్రీమతి సింధు ప్రియ, SB DSP శ్రీ శ్రీనివాసరావు, దర్గామిట్ట CI శ్రీ రోశయ్య, SB CI-1 శ్రీ వెంకటేశ్వరరావు గార్లు మరియు సంబంధిత పోలీస్ అధికారులు, సిబ్బంది పాల్గొన్నారు.

 నెల్లూరు జిల్లా...

జిల్లా ఎస్పీ గా బాధ్యతలు స్వీకరించిన అనంతరం మీడియాతో మాట్లాడారు

SP అజిత వాజెండ్ల కామెంట్స్

నాకు నెల్లూరు జిల్లా ఎస్పీ గా అవకాశం కల్పించిన రాష్ట్ర ముఖ్యమంత్రి గారికి కి DGP గారికి కీ కృతజ్ఞతలు...

జిల్లా లో లా అండ్ ఆర్డర్ ఎన్ఫోర్స్ మెంట్ చేయడం నా టాప్ ప్రయారిటీ

రౌడీ ఎలిమెంట్స్ లేకుండా,మహిళల భద్రత సున్నిత అంశాలు పై దృష్టి సారిస్తా...

యువత డ్రగ్స్ బారిన పడకుండా దృష్టి సారిస్తా.

ఈగల్ టీం సహాయం తో డ్రగ్స్ రహిత జిల్లా గా మారుస్తా

సైబర్ నేరాలు అరికట్టేందుకు సిబ్బందితో ప్రత్యేక శ్రద్ధ వహిస్తాం

ముఖ్యంగా పోలీసు శాఖలో సిబ్బందికి వెల్ఫేర్ ఉండేలా చూసుకుంటా

ప్రజలకు అందుబాటులో ఉంటాను,నిత్యం ఎప్పుడైనా సమస్యలపై ప్రజలు తనకు కాల్ చేయవచ్చు

ప్రజలకు సమాజం లో పోలీసింగ్ పై గౌరవం పెరిగేలా చేస్తాం...

చింతపల్లి నుండి నర్సీపట్నం వెళ్లే దారిలో లమ్మసింగి గాటి సమీపంలో వర్షాలు పడుతున్న కారణంగా కొండా చర్యలు నుండి బండారళ్లు రోడ్డుపై జారిపాడుతున్నాయి అటుగా వెళ్లే వాహనాలు నిలిచిపోతున్నాయి కావున అటువైపున వెళ్లే వాహనదారులు ప్రజలు జాగ్రత్త పాటించాలని నా మనవి రోడ్డు మరియు రావణ శాఖ వారు వెంటనే స్పందించి ఈ బండారళ్ళను వెంటనే తొలిగించే పనులు చేపట్టాలని బీజేపీ అరకు పార్లమెంట్ కిసాన్ మోర్చా ప్రధానకార్యదర్శి దుక్కేరి.ప్రభాకరరావు అధికారులకు విన్నవిస్తున్నారు 

 నెల్లూరు

కరెంట్ ఆఫీస్ సెంటర్ లో విద్యార్థిని రాత్రి దారుణ హత్యా..

బి ఫార్మసీ ఫైనల్ ఇయర్ పూర్తయిన మైధిలి ప్రియను కత్తితో పొడిచి చంపేసిన నిఖిల్..

మాట్లాడాలని రూముకి పిలిచి..  కత్తితో పొడిచి చంపిన స్నేహితుడు.. ఆపై పోలీస్ స్టేషన్లో లొంగుబాటు..

మృతదేహాన్ని నెల్లూరు మార్చురీకి తరలించిన పోలీసులు..

నిందితున్ని కఠినంగా శిక్షించాలని మృతురాలి బంధువులు డిమాండ్..

ఆగని కత్తి పోట్లు...గాల్లో కలిసి పోతున్న ప్రాణాలు..మానవ మృగాలు గా మారుతున్న యువత... కత్తి కల్చర్ పోయేది ఎప్పుడు?ప్రజల ప్రాణాలకు ముప్పు తప్పేది ఎప్పుడు

రాజకీయ నీడలో రౌడీ షీటర్లు అండతో కత్తులు పట్టిన వందల మంది మానవ మృగాలు,వీరితో ఉమ్మడి నెల్లూరు జిల్లా ప్రజల ప్రాణాలకు పెనుముప్పు

రెండు రోజుల క్రితం గూడూరులో ఓ యువకుడిని అత్యంత దారుణంగా కత్తులతో నరికి చంపిన ఘటన మరొక ముందే నెల్లూరు నగరంలో ఓ యువతిని నమ్మించి అత్యంత కిరాతకంగా పొడిచి చంపిన ఘటన నెల్లూరు జిల్లా ప్రజల్లో తీవ్ర భయాందోళన రేకెత్తిస్తుంది

పోలీసు లాఠీలకు కౌన్సిలింగ్కు మానవ మృగాలు భయపడే పరిస్థితి పోయింది ఇక తూటాలకు పని చెప్పందే పరిస్థితి అదుపులోకి వచ్చేలా లేదు

ఉమ్మడి నెల్లూరు జిల్లాలో ప్రజాస్వామ్యం శాంతి భద్రతలు పూర్తిస్థాయిలో గతి తప్పిన వేళ ఎంత ప్రయత్నించినా పోలీసులు లా అండ్ ఆర్డర్ ను అదుపులోకి  తీసుకురావాలని ఎంత ప్రయత్నిస్తున్న కొన్ని సంవత్సరాలుగా వెళ్ళూనుకు పోయిన నేర సామ్రాజ్యం పై విజయం సాధించలేకపోతున్నారు

కర్నూల్ ఉల్లిపాయ కూరల రుచి, సువాసన అదరహో అంటూ రైతుల పక్షాన కలెక్టర్ నాగరాణి భరోసా

రైతుల నుంచే కొనుగోళ్లు పెంచాలని వ్యాపారులకు ఆదేశాలు

పశ్చిమ గోదావరి, రవికిరణాలు సెప్టెంబర్ 11 :

తాడేపల్లిగూడెం ఉల్లిపాయ మార్కెట్‌లో ఈ రోజు కర్నూల్ ఉల్లిపాయలతో చేసిన కూర రుచి ప్రత్యేక ఆకర్షణగా నిలిచింది. జిల్లా కలెక్టర్ చదలవాడ నాగరాణి స్వయంగా రైతులు, హమాలీలు, వ్యాపారులు, అధికారులతో కలిసి సహపంక్తి భోజనంలో పాల్గొని విభిన్న ఉల్లిపాయ వంటకాలను ఆస్వాదించారు. “ఈ ఉల్లిపాయలు వినియోగించిన అన్ని వంటకాలు రుచికరంగా ఉన్నాయి” అని ప్రశంసిస్తూ, కర్నూల్ ఉల్లిపాయలకు మార్కెట్‌లో ప్రత్యేక గుర్తింపు తీసుకురావాలని ఆమె పిలుపునిచ్చారు.

తొలుత కలెక్టర్ నాగరాణి మార్కెట్ యార్డులను పరిశీలించారు. రైతులతో మాట్లాడి వారి సమస్యలు అడిగి తెలుసుకున్నారు. వ్యాపారులు–కమిషన్ ఏజెంట్లు రైతుల వద్ద నుంచే నేరుగా కొనుగోళ్లు పెంచాలని, వారికి తగిన ధర అందేలా చర్యలు తీసుకోవాలని గట్టి ఆదేశాలు జారీ చేశారు. రైతు సంక్షేమంపై జిల్లా పరిపాలన నిఘా ఉంచుతుందని ఆమె స్పష్టం చేశారు. కలెక్టర్ నాగరాణి ఈ కార్యక్రమం ద్వారా ఒకవైపు రైతులకు ధైర్యం కలిగించగా, మరోవైపు కర్నూల్ ఉల్లిపాయలకు ప్రోత్సాహక వాతావరణం సృష్టించారు.