Ravikiranalu TV

నేడు జగన్ పర్యటనను ఎంతమంది అడ్డుకోవాలనుకున్న సూర్యుని ఎదుట అరచేయి పెట్టడమే మాజీ ఎమ్మెల్యే రామిరెడ్డి.

నెల్లూరు [కావలి], రవికిరణాలు జూలై 30 : 

కావలి నియోజకవర్గం వైఎస్ఆర్సిపి ఇన్చార్జ్ మాజీ ఎమ్మెల్యే రామిరెడ్డి ప్రతాప్ కుమార్ రెడ్డి నేడు నెల్లూరులో జరగబోయే జగన్ పర్యటనను గూర్చి పాత్రికేయుల సమావేశం నిర్వహించి మాట్లాడారు. మాజీ ముఖ్యమంత్రి వైఎస్ జగన్మోహన్ రెడ్డి నెల్లూరు పర్యటనను ఎంతమంది అడ్డంకులు సృష్టించినప్పటికీ కూడా  సూర్యుని ముందు అరచేతిని పెట్టి ఆపాలని చూస్తే అది బూడిద అవుతుంది  తెలిపారు. అలాగే వైసిపి నాయకులు కార్యకర్తలకు నోటీసులు ఇవ్వడం కూడా జగన్ పర్యటనను అడ్డుకోవడం అని అలాగే జగన్ పర్యటన రాష్ట్రం మొత్తం ఒక్కసారిగా భయాన్ని కల్పించిందని తెలిపారు. గత రెండు సార్లు పర్యటన ప్రభుత్వం ఆటంకపరిచినప్పటికీ కూడా ఈసారి నేడు నెల్లూరుకి రావడం ఖాయమని సుమారు ఈ కార్యక్రమానికి లక్ష మంది పైగా ప్రజలు హాజరవ్వడం ఖాయమని తెలిపారు. అలాగే కావలి పట్టణాన్ని కాపు కాస్తానని చెప్పుకుంటున్న ప్రస్తుత ఎమ్మెల్యే కావ్య కృష్ణారెడ్డి అన్యాయాలు, అక్రమాలు ప్రశ్నిస్తే కేసులు పెట్టడం ఇదే కాపు కాయడం అని ప్రశ్నించారు. అలాగే ఒక బుడము గుంటకు సంబంధించిన ఒక నాయకుడు అక్రమంగా గ్రాములనుండీ తోలుస్తూ అన్నిటికీ రారాజు కావ్య కృష్ణారెడ్డి అని తను కన్ను సన్నుల్లో ఈ  అక్రమ గ్రవెల్ లు అక్రమ తవ్వకాలు ఇవన్నీ జరుగుతున్నాయని కావలి కాపు కాస్తానని చెప్పే ఈ ఎమ్మెల్యే  అక్రమాలకు పాల్పడుతున్నట్లు తెలిపారు. ఏది ఏమైనాప్పటికీ నేడు మాజీ ముఖ్యమంత్రి వైయస్ జగన్మోహన్ రెడ్డి పర్యటన ప్రజలందరూ విజయవంతం చేస్తారని తెలిపారు. ఈ కార్యక్రమంలో కావలి నియోజకవర్గ వైసిపి నాయకులు, కార్యకర్తలు అధిక సంఖ్యలో పాల్గొన్నారు.

స్టూడియో అండ్ అకాడమీ ని ప్రారంభించిన ఎమ్మెల్యే కావ్య.

నెల్లూరు [కావలి], రవికిరణాలు జూలై 30 :  

కావలి పట్టణంలో స్థానిక టీచర్స్ కాలనీలో బుధవారం కైరా మేకప్ స్టూడియో అండ్ అకాడమీ ప్రారంభోత్సవానికి ముఖ్య అతిథిగా కావలి ఎమ్మెల్యే కావ్య కృష్ణారెడ్డి హాజరయ్యారు అనంతరం కట్ చేసి ప్రారంభించారు. అనంతరం వారు మాట్లాడుతూ శిక్షణ అందించి పలువురికి ఉపాధి కలిగేలా చూడాలని కోరారు. అలాగే ప్రతి ఒక్కరికి అవకాశం ఉన్నంతవరకు శిక్షణలో పరిపూర్ణులై స్వయం ఉపాధికి తోడ్పడాలని కోరారు. ఈ కార్యక్రమంలో టిడిపి నాయకులు గుంటుపల్లి రాజకుమార్, పి. శ్రీనివాసులు తిరువీధి ప్రసాద్, నాయకులు కార్యకర్తలు పాల్గొన్నారు.

ఉచిత కంటి వైద్య శిబిరాన్ని సద్వినియోగపరచుకోండి మల్లినేని వేణుగోపాల్ నాయుడు, ఉప సర్పంచ్.

నెల్లూరు [రూరల్], రవికిరణాలు జూలై 30 : 

స్మార్ట్ విజన్ కంటి ఆసుపత్రి మరియు కమ్యూనిటీ పారామెడిక్స్ అండ్ ప్రైమరీ హెల్త్ కేర్ ప్రొవైడర్స్ వెల్ఫేర్ అసోసియేషన్ (పియంపి అసోసియేషన్ ఆఫ్ ఇండియా) సౌజన్యంతోనెల్లూరు రూరల్ మండలం  ఆమంచర్ల గ్రామంలోని రైతు భరోసా కేంద్రం నందు మల్లినేని వేణుగోపాల్ నాయుడు ఆధ్వర్యంలో ఉచిత కంటి వైద్య శిబిరం నిర్వహించడం జరిగింది. ఈ శిబిరాన్ని ప్రారంభించిన గ్రామ ఉప సర్పంచ్ మల్లినేని వేణుగోపాల్ నాయుడు మాట్లాడుతూ...

 నేటి ఆధునిక జీవన విధానంలోకంటి వ్యాధుల పట్ల అవగాహన లోపించిందని, చిన్నపిల్లలు స్మార్ట్ ఫోన్లకు బానిసలు అవుతూ కంటి వ్యాధులు కొని తెచ్చుకుంటున్నారని, అలాగే యువతీ, యువకులు సెల్ ఫోన్లు, టీవీలకు అలవాటు పడి కంటి వ్యాధుల బారిన పడుతున్నారని, ముఖ్యంగా గ్రామీణ ప్రాంత ప్రజలు 50 సంవత్సరాలు పైబడిన వారు కంటి సమస్యతో బాధపడుతున్నారని, ఇలాంటి వారి పట్ల ఉచిత కంటి వైద్య సేవలు అందించడానికి స్మార్ట్ విజన్ ఐ హాస్పిటల్ సహకారంతో ఈరోజు 50 మందికి కంటి పరీక్షలు నిర్వహించడం జరిగిందని, అందులో 20 మందికి కంటి ఆపరేషన్లు అవసరమని గుర్తించి వారిని స్మార్ట్ విజన్ ఐ హాస్పిటల్ కి తరలించి కంటి శస్త్ర చికిత్సలు నిర్వహించడం జరుగుతుందన్నారు. మందులు అవసరమైన వారికి ఉచితంగా మందులని పంపిణీ చేయడం జరిగింది అని అన్నారు. ఈ కార్యక్రమంలో పి.హెచ్.పి జిల్లా నాయకులు శాఖవరపు వేణుగోపాల్, దేవరకొండ శ్రీనివాసులు, వేగూరు హనుమంతరావు, స్మార్ట్ విజన్ ఐ హాస్పిటల్ మేనేజర్ కే.రాంబాబు, టెక్నీషియన్ డి.నాగేశ్వరి, సిహెచ్.వెంకటేష్, శ్రీనివాస్ తదితరులు పాల్గొన్నారు.

అభివృద్ధే ప్రధాన అజెండా మేయర్ స్రవంతి జయవర్ధన్ 

నెల్లూరు,[కార్పోరేషన్], రవికిరణాలు జూలై 30 :  

నగర పాలక సంస్థ సాధారణ సర్వ సభ్య సమావేశం కార్పొరేషన్ కార్యాలయంలోని డాక్టర్ ఎ.పి.జె అబ్దుల్ కలామ్ కౌన్సిల్ సమావేశ మందిరంలో బుధవారం జరిగింది. 

మేయర్ స్రవంతి జయవర్ధన్ అధ్యక్షతన జరిగిన సమావేశంలో నగర పాలక సంస్థ అన్ని డివిజనుల కౌన్సిల్ సభ్యుల సమక్షంలో 111 మెయిన్ అజెండా, 6 సప్లిమెంటరీ అజెండా, 15 టేబుల్ అజెండాలుగా మొత్తం ప్రవేశపెట్టిన 132 తీర్మానాలను అజెండాగా ప్రకటించగా, అన్ని తీర్మానాలను కౌన్సిల్ సమక్షంలో ఆమోదించారు.

ఈ సందర్భంగా మేయర్ మాట్లాడుతూ అభివృద్ధి పనుల అజెండాలో నెల్లూరు నగరపాలక సంస్థ పరిధిలో సిసి రోడ్లు, సిసి డ్రైన్ కాలువల నిర్మాణం, నగరపాలక సంస్థకు చెందిన ఖాళీ స్థలాలకు ప్రహరీ గోడల నిర్మాణం, పారిశుధ్య నిర్వహణ పనుల కోసం ప్రైవేట్ ట్రాక్టర్లు, హైడ్రాలిక్ ట్రిప్పర్లు, స్వీపింగ్ మిషన్ల ఏర్పాటు, డ్రైన్ కాలువల పూడికతీత పనులు, సిల్ట్ ఎత్తివేత పనులు, నగరవ్యాప్తంగా మొక్కలు నాటి పచ్చదనం పెంచడం, పార్కులను అభివృద్ధి చేసి ప్రజలకు అందుబాటులోకి తీసుకురావడం, బారా షహీద్ దర్గాలో అభివృద్ధి పనులు, నగరపాలక సంస్థ పరిధిలోని అన్ని డివిజన్లలో పారిశుధ్య నిర్వహణకు నూతన వాహనాల కొనుగోలుకు, వి.ఆర్ మున్సిపల్ హై స్కూల్ బస్సుల కొనుగోలు, నిర్వహణ, గణేష్ ఘాట్ అభివృద్ధి పనులు, వాటి నిర్వహణ పనులు నిమిత్తం సుమారుగా 43 కోట్ల రూపాయల అభివృద్ధికి సంబంధించిన అజెండా అంశాలను నెల్లూరు నగర పాలక సంస్థ బడ్జెట్లో కేటాయించామని మేయర్ తెలిపారు.

అదేవిధంగా అమృత్ పథకం 2.0 అభివృద్ధి పనుల కోసం సుమారుగా 101 కోట్ల రూపాయలు కేంద్ర నిధులను కేటాయించామని ప్రకటించారు.

అనంతరం ప్రజా ప్రతినిధులు తమ డివిజన్ల పరిధిలో ప్రస్తావించిన వివిధ అంశాలను పరిష్కరించేందుకు కార్పొరేషన్ అధికారులు పూర్తి స్థాయిలో కృషి చేయాలని మేయర్ ఆదేశించారు. 

ఈ సమావేశంలో డిప్యూటీ మేయర్లు రూప్ కుమార్ యాదవ్, సయ్యద్ తహసీన్ ఇంతియాజ్, నగర పాలక సంస్థ అన్ని డివిజనుల కార్పొరేటర్లు, కో ఆప్షన్ సభ్యులు, కమిషనర్ వై.ఓ నందన్, నగర పాలక సంస్థ అన్ని విభాగాల ఉన్నతాధికారులు పాల్గొన్నారు.

పీఎం జీవన జ్యోతి  యోజనను సద్వినియోగం చేసుకోండి ఎస్బిఐ చీఫ్ మేనేజర్ లక్ష్మీనరసింహులు

నెల్లూరు [పొదలకూరు], రవికిరణాలు జూలై 30 : 

ప్రధానమంత్రి జీవన జ్యోతి భీమా యోజన పథకాన్ని ఖాతాదారులందరూ సద్వినియోగం చేసుకోవాలని పొదలకూరు ఎస్బిఐ చీఫ్ మేనేజర్ డి లక్ష్మీనరసింహులు కోరారు. బ్యాంక్ ఆవరణంలో బుధవారం ఆయన విలేకరులతో మాట్లాడుతూ పి ఎం జె జె వై పథకంలో ఏడాదికి రూ. 436లు చెల్లించినట్లయితే వారికి రూ.2లక్షలు ప్రమాద బీమా వర్తిస్తుందన్నారు. అలాగే సాధారణ మరణం పొందిన వారికి కూడా ఈ పథకంలో రెండు లక్షలు బీమా సౌకర్యం ఉన్నట్లు వివరించారు. కాగా ప్రధానమంత్రి సురక్ష యోజన పథకంలో భాగంగా ఏడాదికి 20 రూపాయలు చెల్లించినట్లయితే వారికి రెండు లక్షల వరకు ప్రమాద బీమా వర్తిస్తుందన్నారు. ఆయా భీమా పథకాలలో దరఖాస్తు చేసుకున్న వారి బ్యాంక్ ఖాతాల నుంచి ఏడాదికి రూ. 20లు, రూ. 436లు చొప్పున కట్ చేసుకోవడం జరుగుతుందన్నారు.  అనుకోకుండా అకస్మాత్తుగా ఏదైనా ప్రమాదం సంభవించినప్పుడు ఆ కుటుంబాలకు బీమా పథకాలు ఎంతగానో ఉపయోగపడతాయన్నారు. కాబట్టి ఎస్బిఐ ఖాతాదారులందరూ ఈ బీమా పథకాలను  సద్వినియోగం చేసుకోవాలని ఈ సందర్బంగా ఆయన సూచించారు.

పసుపులేటి వెంకట రమణయ్యకు నివాళులు అర్పించిన కావలి ఎమ్మెల్యే కావ్య.

నెల్లూరు [బోగోలు], రవికిరణాలు జూలై 30 : 

బోగోలు మండలం చెంచులక్ష్మిపురం గ్రామానికి చెందిన ప్రముఖ పారిశ్రామికవేత్త రాజకీయ నాయకుడు పసుపులేటి సుధాకర్  సోదరుడు పసుపులేటి వెంకట రమణయ్య  ఉత్తర క్రియల కార్యక్రమం బుధవారం వారి నివాసంలో జరిగింది. ఈ కార్యక్రమంలో కావలి ఎమ్మెల్యే దగుమాటి వెంకట క్రిష్ణారెడ్డి  పాల్గొని వెంకట రమణయ్య చిత్రపటానికి నివాళులర్పించారు. వారి కుటుంబ సభ్యులకు తన ప్రగాఢ సానుభూతిని తెలియజేశారు. ఈ కార్యక్రమంలో మండల టీడీపీ అధ్యక్షుడు మాలేపాటి నాగేశ్వరరావు, చిలకపాటి వెంకటేశ్వర్లు స్థానిక నాయకులు, కార్యకర్తలు పాల్గొన్నారు.

అభివృద్ధి, సంక్షేమమే కూటమి ప్రభుత్వ లక్ష్యం, అడుగడుగునా మంగళ హారతులతో మహిళల అపూర్వ స్వాగతం.

సూపర్ సిక్స్ లో 80 శాతం హామీలు అమలు చేసాం

ఉత్సాహంగా పాల్గొంటున్న నాయకులు, కార్యకర్తలకు ధన్యవాదాలు

అర్హులైన ప్రతి ఒక్కరికి ప్రభుత్వ సంక్షేమ పధకాలు అందించేందుకు కార్యకర్తలు కృషి చేయాలి

మంత్రి లోకేష్ ప్రవేశపెట్టిన ఒన్ క్లాస్ ఒన్ టీచర్ విధానంతో ప్రభుత్వ విద్యారంగం బలోపేతం అయింది

కోవూరు ఎమ్మెల్యే వేమిరెడ్డి ప్రశాంతి రెడ్డి

నెల్లూరు [ఇందుకూరుపేట], రవికిరణాలు జూలై 23 : 

ప్రతి ఇంటికి సంక్షేమం, ప్రతి గ్రామానికి అభివృద్ధి ఫలాలు చేర్చడమే లక్ష్యంగా కూటమి ప్రభుత్వంపని చేస్తుందని కోవూరు ఎమ్మెల్యే వేమిరెడ్డి ప్రశాంతి రెడ్డి అన్నారు.సుపరిపాలనలో తొలిఅడుగు కార్యక్రమంలో భాగంగా ఎమ్మెల్యే ప్రశాంతి రెడ్డి మైపాడు (కృష్ణాపురం)  కొరుటూరు (కొలిమిట్ల పాళెం) సోమరాజుపల్లి, మొత్తలు గ్రామాలలో పర్యటించారు. స్థానిక టిడిపి మరియు కార్యకర్తలతో కలిసి ఇల్లిల్లూ తిరిగి కూటమి ప్రభుత్వం ఏడాది పాలనలో సాధించిన అభివృద్ధి మరియు సంక్షేమ కార్యక్రమాలను వివరించారు. స్థానిక సమస్యల గురించి ప్రజలను అడిగి తెలుసుకున్నారు. ఇంటింటికి తెలుగుదేశం కార్యక్రమం సందర్భంగా పేదలకు ఇళ్ళు, ఇళ్ల స్ధలాలు లేని పరిస్థితిని చూశానని ప్రభుత్వం దృష్టికి తీసుకెళ్లి పేదల సొంతింటి కల సాకారం చేస్తానన్నారు. కూటమి ప్రభుత్వం అధికారంలోనికి రాగానే రైతులకు ప్రయోజనం చేకూర్చే ల్యాండ్ టైటిలింగ్ యాక్ట్ రద్దు చేసిన విషయాన్నిఈ సందర్భంగా ఎమ్మెల్యే ప్రశాంతి రెడ్డి గారు గుర్తు చేశారు. కూటమి ప్రభుత్వ ఏడాది పాలనలో అమలు చేసిన పెన్షన్ పెంపు, దీపం 2,మత్స్యకార సేవలో,తల్లికి వందనం తదితర సంక్షేమ పధకాల గురించి ఆమె ప్రజలకు వివరించారు.ప్రభుత్వ సంక్షేమ పధకాల అమలు తీరుపై ప్రజలు సంతోషంగా ఉన్నారన్నారు. 

చంద్రబాబు నాయుడు నాయకత్వంలో కూటమి ప్రభుత్వం అధికారంలోనికి వచ్చాక ప్రజల జీవన ప్రమాణాలు మెరుగయ్యాయన్నారు.ఎన్నికల సందర్భంగా చేసిన సూపర్ సిక్స్ హామీలలో 80 శాతం అమలు చేసామన్నారు.గంగపుత్రులు గతంలో 10 వేలు వున్న వేట నిషేధ భృతిని కూటమి ప్రభుత్వం 20 వేలకు పెంచి వేట నిషేధ కాలంలో అందచేసిన విషయాన్ని ఆమె గుర్తు చేశారు. ఫిషరీస్ అధికారుతో మాట్లాడి అర్హులైవుండి మత్స్యకార సేవలో రాని వారిని గుర్తించి వారికి ప్రభుత్వ పరిహారం ఇప్పించేందుకు కృషి చేయాలని నాయకులను ఆదేశించారు. వారిని సుపరిపాలనలో తొలిఅడుగు కార్యక్రమంలో ఉత్సాహంగా పాల్గొంటున్న నాయకులు, కార్యకర్తలకు ధన్యవాదాలు తెలిపారు.ఎన్నికల సందర్భంగా తనను అమ్మలా, అక్కలా, ఆదరించి తన విజయానికి కృషి చేసిన కార్యకర్తలకు అండగా ఉంటానని హామీ యిచ్చారు.ఈ నెలలో అన్నదాత సుఖీభవ పధకం ద్వారా రైతులకు 20 వేల రూపాయల ఆర్థిక సాయం అందిచడంతో పాటు ఆగస్ట్‌ 15 వ తేదీ నుంచి మహిళలకు ఉచిత ఆర్టీసీి బస్సు ప్రయాణ సౌకర్యాన్ని కల్పించబోతున్నట్టు ఆమె వెల్లడించారు.కోవూరు నియోజకవర్గ అభివృద్ధే లక్ష్యంగా ఎన్నికల సందర్భంగా చేసిన ప్రతి వాగ్ధానం అమలు చేస్తానని ఎమ్మెల్యే ప్రశాంతి రెడ్డి  ప్రజలకు హామీ యిచ్చారు. భావితరాల బంగారు భవిషత్తు కోసం విద్యాశాఖ మంత్రి లోకేష్  ప్రత్యేక శ్రద్ధ తీసుకొని డొక్కా సీతమ్మ మధ్యాన భోజన పధకం ద్వారా నాణ్యమైన భోజనంతో పాటు సర్వేపల్లి రాధాకృష్ణన్  పేరిట స్టడీ కిట్స్ అందిస్తున్నా రన్నారు.ఒన్ క్లాస్ ఒన్ విధానం ద్వారా ప్రభుత్వ విద్యారంగం బలోపేతం అయిందన్నారు.15 ఆర్ధిక సంఘ నిధుల ద్వారా స్థానిక సంస్థలు బలోపేతమై గ్రామీణ ప్రాంతాలలో జరుతున్న అభివృద్ధిని వివరించారు. ల్యాండ్ టైటిల్ యాక్ట్ రద్దు,ఉచిత ఇసుక ద్వారా భవన నిర్మాణ కార్మికులకు జరుగుతున్న ప్రయోజనాలను ఎమ్మెల్యే ప్రశాంతి రెడ్డి ప్రస్తావించారు. రానున్న నాలుగేళ్లలో కోవూరు నియోజకవర్గంలో రోడ్లు,డ్రైన్లు, తాగునీరు, లాంటి మౌలిక సదుపాయాలతో పాటు పేదల సొంతింటి కల సాకారం చేస్తానన్నారు.ఈ కార్యక్రమంలో ఇందుకూరు పేట మండల టిడిపి అధ్యక్షులు ఏకొల్లు పవన్ కుమార్ రెడ్డి,టిడిపి నాయకులు దువ్వూరు కళ్యాణ్ రెడ్డి,రావెళ్ల వీరేంద్ర నాయుడు,చెంచు కిషోర్ యాదవ్, పి ఎల్ రావు, చెన్నయ్య, చంద్రమోహన్ రెడ్డి,ఈదూరు చెన్నయ్య తదితరులు పాల్గొన్నారు.

జాతీయ బీసీ సంక్షేమ సంఘం జిల్లా ప్రధాన కార్యదర్శిగా ఆదూరు సుష్మా

నెల్లూరు, రవికిరణాలు జూలై 23 : 

జాతీయ బీసీ సంక్షేమ సంఘం జిల్లా ప్రధాన కార్యదర్శిగా ఆదూరు  సుష్మా ను నియమించినట్లు ఆ సంఘం జాతీయ ప్రధాన కార్యదర్శి పెరుమాళ్ళ పద్మజా యాదవ్ పేర్కొన్నారు. నెల్లూరు నగరంలోని బీవీనగర్ బీసీ సంక్షేమ సంఘం కార్యాలయంలో బుధవారం మీడియాతో మాట్లాడుతూ నెల్లూరు జిల్లాలో బిసి మహిళ విభాగాన్ని మరింత బలోపేతం చేసే లక్ష్యంతో పూర్తిస్థాయిలో కమిటీని ఏర్పాటు చేస్తున్నామన్నారు. మహిళలను చైతన్యవంతం చేసి వారు ఎదుర్కొంటున్న అనేక సమస్యలపై జాతీయ బీసీ సంక్షేమ సంఘం నిరంతరం పోరాటం చేస్తుందన్నారు. చట్టసభల్లో బీసీ మహిళలకు కూడా రిజర్వేషన్ కల్పించేందుకు పార్లమెంట్లో చట్ట సవరణ చేయాలని డిమాండ్ చేశారు. నూతనంగా ఎంపికైన ఆదూరి సుష్మా మాట్లాడుతూ జాతీయ బీసీ సంక్షేమ సంఘం మహిళా విభాగం జిల్లా ప్రధాన కార్యదర్శిగా తనను నియమించినందుకు ధన్యవాదాలు తెలిపారు. బిసి మహిళా విభాగాన్ని జిల్లాలో బలోపేతం చేసేందుకు కృషి చేస్తానని తెలిపారు. ఈ కార్యక్రమంలో జాతీయ బీసీ సంక్షేమ సంఘం మహిళా విభాగం అధ్యక్షురాలు వల్లెపు రజిని, ఊడతా శైలజ, జిల్లా కార్యదర్శి విజయలక్ష్మి, మౌనిక, బుజ్జమ్మ, సుజాత, బండి ప్రసాదు, మల్లెపు వెంకటేశ్వర్లు ఆదూరు శ్రీధర్, సుధాకర్,  గోపి తదితరులు పాల్గొన్నారు

 కొండ్లపూడి మరియు దేవరపాలెం గ్రామాలలో పొలం పిలుస్తుంది కార్యక్రమం

నెల్లూరు [రూరల్], రవికిరణాలు జూలై 22 : 

నెల్లూరు రూరల్ మండలంలోని కొండ్లపూడి మరియు దేవరపాలెం గ్రామాల్లో పొలం పిలుస్తుంది కార్యక్రమం నిర్వహించడం జరిగింది.ఈ కార్యక్రమానికి జిల్లా వ్యవసాయ అధికారిని పి. సత్యవాణి  మరియు సహాయ వ్యవసాయ సంచాలకులు ఏ నర్సోజి రావు నెల్లూరు సహాయ వ్యవసాయ సంచాలకులు శ్రీదేవి మరియు నెల్లూరు రూరల్ మండల వ్యవసాయ అధికారి ఎస్.వి నాగమోహన్ పాల్గొనడం జరిగింది. అనంతరం  జిల్లా వ్యవసాయ అధికారిని పి. సత్యవాణి  మాట్లాడుతూ... రైతులు  రసాయనిక ఎరువులు తక్కువగా వాడుకోవాలని తెలియజేశారు. అలాగే యూరియాను ఎకరాకు మూడు బస్తాల కంటే ఎక్కువ వాడరాదని తెలిపారు. అలాగే ఒక దఫా యూరియాను తగ్గించి నానో యూరియాను పిచికారి చేసుకున యడల రైతులకు ఖర్చు తగ్గి అధిక దిగుబడులు పొందవచ్చునని తెలియజేయడం జరిగింది. అలాగే ఇఫ్కో కంపెనీ మేనేజర్ లక్ష్మీనారాయణ మాట్లాడుతూ... నానో యూరియా గురించి మరియు నానో డి ఏ పి  గురించి క్లుప్తంగా వివరించడం జరిగింది. అదేవిధంగా  సహాయ వ్యవసాయ సంచాలకులు నర్సోజి రావు మాట్లాడుతూ.... అన్నదాత సుఖీభవ ఎవరికైనా అర్హత  లిస్టులో లేని ఎడల  గ్రామ సచివాలయంలో తెలుపవలసినదిగా కోరారు. అలాగే సహా వ్యవసాయ సంచాలకులు శ్రీదేవి మాట్లాడుతూ... రైతులు విధిగా పచ్చిరొట్ట ఎరువులు వాడుకోవాలని తెలియజేయడం జరిగింది. అనంతరం నెల్లూరు రూరల్ మండల వ్యవసాయ అధికారి ఎస్. వి నాగమోహన్ మాట్లాడుతూ... పంట వేసిన ప్రతి రైతు ఈ పంట చేసుకోవాల్సిందిగా  తెలియజేశారు. అలాగే ఈ పంట నమోదు చేయించుకోని  యెడల ప్రభుత్వం నుంచి వచ్చు అన్ని పథకాలకు వర్తించవని  తెలియజేయడం జరిగింది.ఈ కార్యక్రమంలో ఏఈఓ బానోతు శ్రీనివాసులు మరియు విఏఏలు పుష్పలత,అనూష మరియు రైతులు విజయ్ కుమార్, సునీల్ ప్రవీణ్ తదితరులు పాల్గొన్నారు.

 సచివాలయం సిబ్బందికి ఘన సన్మానం.

నెల్లూరు  [బోగోలు], రవికిరణాలు జూలై 22 : 

బోగోలు మండలం కోవూరుపల్లి సచివాలయ సిబ్బంది  మహిళా పోలీస్ కె.మౌనిక , అగ్రికల్చర్ అసిస్టెంట్ పి.సుధీర్ , ఏఎన్ఎం డి.అనిత,సర్వేయర్ అసిస్టెంట్ కె సురేష్ , కార్యాలయంలో ఐదు సంవత్సరాలుగా విధులు నిర్వహించి సాధారణ బదిలీలలో భాగంగా బదిలీ అయ్యారు. ఈ సందర్భంగా మంగళవారం బదిలీపై వెళ్తున్న సిబ్బందికి  గ్రామ పెద్ద ఇందుపూరి రామ మోహన్ రెడ్డి ఆధ్వర్యంలో ఘనంగా సన్మానించారు. ఈ సందర్భంగా పంచాయతీ కార్యదర్శి ఎస్.రాజగోపాల్ మాట్లాడుతూ  సచివాలయ సిబ్బంది ప్రజలకు నిరంతరం అందుబాటులో ఉండి  సేవలు అందించారని కొనియాడారు. ఈ కార్యక్రమానికి హాజరైన డిజిటల్ అసిస్టెంట్ యం శ్యాం సుధాకర్, ఇంజనీరింగ్ అసిస్టెంట్ టి భారతి, పంచాయతీ సెక్రెటరీ బి కృపమై, ఏఎన్ఎం అమల పాల్గొన్నారు.

గొల్లకందుకూరు గ్రామంలో రెవెన్యూ సదస్సు కార్యక్రమం 

నెల్లూరు [రూరల్], రవికిరణాలు జూలై 22 : 

నెల్లూరు రూరల్ మండలం లోని గొల్లకందుకూరు గ్రామంలో రూరల్ ఎమ్మెల్యే కోటంరెడ్డి శ్రీధర్ రెడ్డి  ఆదేశాల మేరకు మండల పరిషత్ అధ్యక్షుడు బూడిద విజయ్ కుమార్ యాదవ్ మరియు టిడిపి నాయకులు కోటంరెడ్డి గిరిధర్ రెడ్డి రెవెన్యూ సదస్సు కార్యక్రమాన్ని నిర్వహించడం జరిగింది. ఈ కార్యక్రమంలో టిడిపి నాయకులు కోటంరెడ్డి గిరిధర్ రెడ్డి మాట్లాడుతూ....రెవెన్యూ సమస్యలు లేని నియోజకవర్గంగా నెల్లూరు రూరల్  నియోజకవర్గాన్ని తీర్చిదిద్దామని తెలియజేయడం జరిగింది.గ్రామాల్లో రెవెన్యూ సమస్యల పరిష్కారానికి కృషి చేస్తామని తెలిపారు.అలాగే 9 రోజులపాటు ఏకధాటిగా నెల్లూరు రూరల్ లో 18 గ్రామాల్లో రెవెన్యూ సదస్సులు రోజుకి 2 గ్రామాలు చొప్పున ఉదయం ఒక గ్రామం మధ్యాహ్నం ఒక గ్రామం లో రెవెన్యూ సదస్సులు నిర్వహించడం జరుగుతుందని తెలిపారు. అనంతరం నెల్లూరు రూరల్ మండల తహశీల్దార్ కృష్ణ ప్రసాద్ మాట్లాడుతూ.... ప్రతి గ్రామంలో రెవెన్యూ సదస్సును నిర్వహించడం జరుగుతుందని తెలియజేశారు. అలాగే ప్రజలకు  ఏమైనా సమస్యలు ఉంటే రెవెన్యూ సదస్సును సద్వినియోగం చూసుకోవాలని కోరారు.ఈ కార్యక్రమంలో డిప్యూటీ తహశీల్దార్ నాసర్, రూరల్ ఆర్.ఐ. శివ మరియు సీనియర్ టిడిపి నాయకులు ఇందుపూరు శ్రీనివాసులురెడ్డి, మండల కన్వీనర్ పముజుల ప్రదీప్, నెల్లూరు రూరల్ ఎమ్మెల్యే కార్యాలయం ఇంచార్జ్ దాట్ల చక్రవర్ధన్ రెడ్డి, నెల్లూరు రూరల్ ఎమ్మెల్యే మండల కార్యాలయం ఇంచార్జ్ వేమిరెడ్డి సురేందర్ రెడ్డి, గ్రామ సర్పంచ్ బెల్లంకొండ దొరసానమ్మ, జడ్పీ కో- ఆప్షన్ నెంబర్ అల్లాబక్షు, మండల కో- ఆప్షన్ నెంబర్ మీరామోహిద్దీన్, టిడిపి నాయకులు దయాకర్ రెడ్డి, హరిప్రసాద్ రెడ్డి, భాస్కర్ రెడ్డి, పెంచాల నారాయణ, సిద్ధారెడ్డి శ్రీనివాసులురెడ్డి, వినుకోటి వేమయ్య  గ్రామ రెవెన్యూ అధికారి కార్తీక్ సచివాలయ సిబ్బంది తదితరులు పాల్గొన్నారు.

 విపిఆర్ నివాసానికి విచ్చేసిన మంత్రి టిజి భరత్ 

నెల్లూరు, రవికిరణాలు జూలై 22 :

నెల్లూరు నగరం మాగుంట లే ఔట్ లోని విపిఆర్ నివాసానికి విచ్చేసిన రాష్ట పరిశ్రమలు, ఫుడ్ ప్రాసెసింగ్ మంత్రి టిజి భరత్ కు కోవూరు ఎమ్మెల్యే వేమిరెడ్డి ప్రశాంతి రెడ్డి ఘనస్వాగతం పలికి పుష్ప గుచ్చంతో చిరు సన్మానం చేశారు. 

అనంతరం ఎమ్మల్యే  ఇంట అల్పాహారం స్వీకరించిన మంత్రి భరత్ గారు  ఎమ్మెల్యే ప్రశాంతి రెడ్డి తో స్థానిక రాజకీయాలు మరియు కోవూరు నియోజకవర్గంలో పరిశ్రమల స్థాపనకు అనుకూలతలపై చర్చించారు. ఈ సందర్భంగా టిడిపి నాయకులు కోటంరెడ్డి గిరిధర్ రెడ్డి, బుచ్చి మున్సిపల్ చైర్ పర్సన్ మోర్ల సుప్రజ దంపతులు మంత్రి భరత్ ని మర్యాదపూర్వకంగా కలిసి పుష్ప గుచ్చాలతో సన్మానం చేశారు.

 సుపరిపాలనలో తొలి అడుగు కార్యక్రమం

 నెల్లూరు [వింజమూరు], రవికిరణాలు జూలై 21 :

సుపరిపాలన తొలి అడుగు కార్యక్రమంలో భాగంగా వింజమూరు లోని సూరం బజార్  వెలమ బజార్ కాపు వీధి ఉదయగిరి శాసనసభ్యులు కాకర్ల సురేష్  ఆదేశాల మేరకు ఇంటింటి కార్యక్రమం  జరిగినదిఈ కార్యక్రమంలో తెలుగుదేశం ప్రవల్ పాలనలో సంవత్సరం రోజులుగా జరిగిన అభివృద్ధి కార్యక్రమాలను అదేవిధంగా సంక్షేమ పథకాలు గూర్చి వివరించారు ఈ కార్యక్రమంలో  మండల కన్వీనర్ గూడా నర్సారెడ్డి వింజమూరు పట్టణ అధ్యక్షుడు కోడూరు నాగిరెడ్డి వింజమూరు మండల కో కన్వీనర్ మంచాల శ్రీనివాస్ నాయుడు వింజమూర్ టిడిపి ప్రధాన కార్యదర్శి చల్ల శ్రీనివాస్ యాదవ్ చేబ్రోలు వసంతరావు పాములపాటి మల్యాద్రి కొండపల్లి వెంకటేశ్వర్లు మా భాష దుద్దుగుంట శ్రీనివాస్ రెడ్డి  భాష్యం ఎరుకల నాయుడు  బాదుల్లా ఈ కార్యక్రమంలో పాల్గొనడం జరిగింది

 పారిశుద్ధ్య లోపం వల్లన భయాందోళనకు గురవుతున్న ప్రజలు 

నెల్లూరు [సైదాపురం], రవికిరణాలు జూలై 21 :

సైదాపురం మండల లోని  చాగణం పంచాయతీ పరిధిలో   పారిశుధ్యం లోపించడంతో ఆ కాలనీ వాసులు అనేక ఇబ్బందులు పడుతున్నారు. కాలనిలో రోడ్లపైనే మురికినీరు ప్రవహిస్తుండడంతో రాకపోకలకు తీవ్ర ఇబ్బంది పడుతున్నారు. మురికి కాలువలో పూడిక తీయకపోవడంతోనే, కాలువ నిండి పారుతున్నట్లుగా స్థానికులు తెలిపారు. ఇది మెయిన్ రోడ్లు మరి దుర్గాతనంగా తయారయ్యి రాకపోకలకు ఇబ్బంది పడుతున్నామని స్థానిక గ్రామ ప్రజలు తెలియజేశారు వర్షం వస్తే మరింత ఇబ్బందిగా తయారవుతుందని కనీసం పంచాయతీ పరిధిలో ఉన్నటువంటి అధికారులు  పట్టించుకోవడం లేదని ఆగ్రహం చేశారు. మురికి నీరు ఎక్కడికక్కడ ఆగిపోవడంతో  దుర్గంధం వాసనను  భరించలేకపోతున్నామన్నారు. కనీసం బ్లీచింగ్ చేసే పాపాన పోలేదని,ఇక్కడ పారిశుద్ధ్యం లోపించడంతో దోమల సమస్య ఎక్కువగా ఉందన్నారు. ప్రజలు తరచుగా వ్యాధుల బారిన పడుతున్నాగాని, అధికారులు, ప్రజాప్రతినిధులు పట్టించుకోకపోవడం సిగ్గు చేటన్నారు.వెంటనే చర్యలు తీసుకొని ప్రజల ప్రాణాలు కాపాడాలని స్థానికులు తమ ఆగ్రహం వ్యక్తపరిచారు

దివ్యాంగుల విద్యార్థులకు ఉపకరణాలు పంపిణీ

నెల్లూరు [కలువాయి], రవికిరణాలు జూలై 21 : 

కలువాయి మండలంలోని బివిఎన్ఆర్ జడ్పీహెచ్ఎస్ కలువాయి పాఠశాల నందు దివ్యాంగుల  విద్యార్థులకు ఏ ఎల్ ఐ ఎం సి ఓ ( ఆర్టిఫిసియల్ లింబ్స్ మ్యానుఫ్యాక్చరింగ్ కార్పొరేషన్ ఆఫ్ ఇండియా)మరియు సమగ్ర శిక్ష వారి తరుపున ఉపకరణాలు మండల విద్యాశాఖ అధికారి2 జి శేషగిరిరావు , పాఠశాల ప్రధానోపాధ్యాయులు ఎస్డి అబ్బాస్ అలీ మరియు ప్రత్యేక ఉపాధ్యాయురాలు ప్రసన్న లక్ష్మి చేతుల మీదుగా 

కట్ట రుతుగ్రీసు అనే మానసిక వికలాత్వం కలిగిన బాలికకు ఎం ఆర్ కిట్ 3 ను అందజేశారు. మండల విద్యాశాఖ అధికారి శేషగిరిరావు, పాఠశాల ప్రధానోపాధ్యాయుడు అబ్బాస్ అలీ మాట్లాడుతూ ఈ బోధనోపకరణాలు ఉపయోగించి విద్యార్థులు సులభంగా అభ్యసనను నేర్చుకోవడానికి ఎంతో ఉపయోగపడుతుందని తెలియజేశారు. ఇటువంటి విద్యార్థులను మండలంలో ఎక్కడ ఉన్నా పాఠశాలలో చేర్పించుకోవాలని ఐఈఆర్టీలకు తెలియజేశారు. విద్యార్థులు ఈ అవకాశాన్ని ఉపయోగించుకొని ఉన్నత స్థాయి కి చేరుకోవాలని విద్యార్థులకు తెలియజేశారు.. ఈ కార్యక్రమంలో పాఠశాల ఉపాధ్యాయులు  చల్ల మల్లికార్జున్ రెడ్డి ,బి,శ్రీనివాసులు , సిఆర్ఎంటి కె మహేష్

ఐ ఈ ఆర్ టి లు భానుప్రియ, విశ్వ మరియు తల్లిదండ్రులుపాల్గొనడం జరిగింది

ఏఐఐఈఏ ఆవిర్భావ దినోత్సవం సందర్భంగా నిత్యవసర. వస్తువులు పంపిణీ.

కావలి, రవికిరణాలు జూలై 21 : 

కావలి రూరల్ మండలం తాళ్లపాలెం ఆశా నికేతన్ లో పనిచేస్తున్న వారికి సోమవారం ఏఐఐటిఏ 75వ ఆవిర్భావ దినోత్సవం సందర్భంగా నిత్యావసర సరుకులను పంపిణీ చేశారు. ఈ కార్యక్రమంలో భారతీయ జీవిత బీమా సంస్థ బ్రాంచ్ ఉద్యోగు లైన కావలి బ్రాంచ్ మేనేజర్ ఏ. బాలాజీ బాబు ఐసీఈ యు అధ్యక్ష కార్యదర్శులు సిహెచ్ ఫణీంద్ర కుమార్, బి. సాయినాథ్ సింగ్, ఆశా నికేతన్ సభ్యులు జషిoత పి. శ్రీనివాసులు తదితరులు పాల్గొన్నారు.

చుక్కల భూమి నుండి మాకు విడుదల చేయండి తాసిల్దార్ కి వినతి పత్రం అందజేసిన బాధితులు. 

కావలి, రవికిరణాలు జూలై 21 : 

కావలి పట్టణంలోని కచ్చరమెట్ట ప్రాంతంలో కొన్ని సర్వే నెంబర్లకు సంబంధించిన ఇళ్ల స్థలాలు చుక్కల భూమి అని రిజిస్ట్రేషన్ కాకపోవడంతో ఆ ప్రాంతం వారు అనేకమైన ఆర్థిక ఇబ్బందులకు గురవుతున్నారు అక్కడ నివసించేవారు. బిడ్డల చదువుకి మరియు వారి బిడ్డల వివాహాలకు ఆర్థికంగా అవసరమయ్యే నగదును కావాలంటే ఆ గృహాలు అమ్ముకోవాలి కానీ ప్రస్తుత పరిస్థితుల్లో ఆ గృహాలు చుక్కల భూముల్లో ఉన్నాయంటూ సంబంధిత అధికారులు చెప్పడం తో అక్కడ ప్రాంత ప్రజలు టిడిపి నాయకులు దిలీప్ కుమార్ ఆధ్వర్యంలో సోమవారం గ్రీవెన్స్ డే సందర్భంగా ఈ శ్రవణ్ కుమార్ ను కలిసి సమస్యలపై వినతి పత్రాన్ని అందించారు. అనంతరం డి.రతన్ ప్రసాద్ మాట్లాడుతూ, ఇక్కడ సుమారుగా 70 సంవత్సరాల నుండి నివసిస్తున్నామని, 2016 వరకు మా భూములకు రిజిస్ట్రేషన్ జరగడమే కాక బ్యాంకు నుండి రుణాలు కూడా తీసుకున్నామని తెలిపారు. కానీ 2016వ సంవత్సరం నుండి 2023వ సంవత్సరం వరకు చుక్కల భూమి అని రిజిస్ట్రేషన్ కాకపోవడంతో మానసికంగా మా కుటుంబాలు చాలా కష్ట నష్టాలు ఎదుర్కొంటున్నామని,మా తల్లిదండ్రులైన పెద్దలు వారి ఆరోగ్యం సరిగా లేక వైద్యం కోసం అవసరమై అమ్ముకోలేక రుణాలు పొందలేక చాలా ఇబ్బందులు పడుతున్నామని తెలిపారు. ప్రభుత్వం వారు భూ సమస్యను తీర్చాలని కోరారు. అనంతరం సానుకూలంగా స్పందించిన తాసిల్దార్ శ్రావణ్ కుమార్ వీలైనంత త్వరలో ఉన్నత అధికారులకు నివేదికను అందిస్తామని తెలిపారు. ఈ కార్యక్రమంలో ఈదురు జైపాల్ ఇమ్మానియేల్, తా చిపూడి ప్రసాద్, కొణిదల మార్క్, సూరిపాగ సందేశ్, తాటిపర్తి ప్రసాద్, శాలెం రాజ్ తదితరులు పాల్గొన్నారు.

 43 డివిజన్ కు ఉపఎన్నికలు నిర్వహించాలని వినతి

నెల్లూరు, [కార్పోరేషన్], రవికిరణాలు జూలై 21 : 

నెల్లూరు నగరపాలక సంస్థ పరిధిలోని 43 డివిజన్ కు ఉప ఎన్నికలు నిర్వహించాలని ఆ ప్రాంతవాసి ఆర్టిఐ సభ్యులు మొగల్ రబ్బానీ బేగ్ నగరపాలక సంస్థ కమిషనర్ వైఓ. నందన్ కు వినతిపత్రం సమర్పించారు. సోమవారం నగరపాలక సంస్థ కార్యాలయంలోని కమాండ్ కంట్రోల్ సెంటర్లో జరిగిన ప్రజా సమస్యల పరిష్కార వేదికలో ఆయన కమిషనర్ కు వినతి పత్రం సమర్పించారు. ఈ సందర్భంగా బేగ్ మాట్లాడుతూ ఈ డివిజన్లో ఎన్నిక కాబడిన డిప్యూటీ మేయర్ గత అసెంబ్లీ ఎన్నికల్లో ఎన్నికలకు ముందు రాజీనామా చేయడం జరిగిందని అన్నారు. అయితే అప్పటినుండి ఇప్పటివరకు 43వ డివిజన్ లో ఉప ఎన్నికలు జరపకపోవడం విశేషం అన్నారు. 16 నెలలైనా ఉప ఎన్నికలు జరగకపోవడంతో తమ సమస్యలు ఎవరికి చెప్పుకోవాలని ఆయన ఆవేదన వ్యక్తం చేశారు. ఇకనైనా అధికారులు 43 డివిజన్ కు   కార్పొరేటర్ ఉప ఎన్నికలు నిర్వహించాలని ఆయన కోరారు .

 కోరిడ్ సంస్థ ఆధ్వర్యంలో చిన్న పిల్లలకు ఉచిత వైద్య శిబిరం.

 కావలి, రవికిరణాలు జూలై 21 : 

కావలి పట్టణంలో కురిటి సమస్త ఆధ్వర్యంలో చుట్టుపక్క గ్రామీణ ప్రాంతాలలో నిరుపేద చిన్న పిల్లలకు కోరిడ్ సంస్థ సోమవారం ఉచిత వైద్య శిబిరాన్ని నిర్వహించారు. చిన్న పిల్లల డాక్టర్లచే పరీక్షలు చేయించారు.  అనారోగ్యంగా ఉన్న బిడ్డలను ఉచితంగా మందులు పంపిణీ చేసి ఆరోగ్య జాగ్రత్తలు పాటించాలని తల్లిదండ్రులకు సూచనలు సలహాలు చేశారు. అనంతరం డాక్టర్ మాట్లాడుతూ, కురీట్ సంస్థ ఆధ్వర్యంలో ఇలాంటి సేవా కార్యక్రమంలో కూడా ఎన్నో నిర్వహించారని ఇటువంటి కార్యక్రమాలు చేయడం ఆ సమస్త వ్యవస్థాపన రావేల జైపాల్ కి ప్రత్యేక అభినందనలు తెలిపారు. ఈ కార్యక్రమంలో కొరిడ్ సంస్థ సూపర్వైజర్ దంతం సునీల్ మరియు సిబ్బంది ఈ కార్యక్రమంలో పాల్గొన్నారు.

కావలి మున్సిపల్ కమిషనర్ జి. శ్రావణ్ కుమార్ ను శానిటరీ ఇన్స్పెక్టర్ ఎండి బషీన్ను అభినందించిన సీఎం నారా చంద్రబాబు నాయుడు.

 కావలి, రవికిరణాలు జూలై 21 : 

రాష్ట్రంలో ఉన్న పురపాలక సంఘాలు అన్నీ కూడా స్వచ్ఛంద స్వర్ణాంధ్రలో భాగమై ప్రతి మూడవ శనివారం రోజున ఆఫీసు సిబ్బందితో తన కార్యాలయం చుట్టుపక్కల పరిసర ప్రాంతాలను పరిశుభ్రంగా ఉంచాలని అలాగే ప్లాస్టిక్ రహిత సమాజంగా నిర్మించేందుకు రాష్ట్ర ముఖ్యమంత్రి నారా చంద్రబాబు నాయుడు ఆదేశాలు జారీ చేశారు. ఆ విధంగానే కావలి పట్టణ మున్సిపల్ పరిధిలో ఎక్కడ కూడా అపరిశుభ్రంగా లేకుండా స్వచ్ఛంద స్వర్ణాంధ్రలో భాగంగా క్లీనర్ గ్రీన్ గా ఉంచేందుకు రాబోవు తరానికి మాదిరిగా ఉండాలని ఉద్దేశంతో కావలి పట్టణాలు ర్యాలీలు నిర్వహించి అవేర్నెస్ కార్యక్రమాలను ఏర్పాటు చేశారు. అలాగే ప్లాస్టిక్ రహిత అవగాహన కార్యక్రమాలను ర్యాలీలను నిర్వహించడం జరిగింది. దీనిపై కావలి పట్టణ మున్సిపాలిటీ కి నారా చంద్రబాబు నాయుడు శానిటి ఇన్స్పెక్టర్ ని తిరుపతిలో నిర్వహించిన స్వచ్ఛ ఆంధ్ర ప్లాస్టిక్ కాలుష్య రహిత అంతం చేసే కార్యక్రమంలో ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబునాయుడు చేతుల మీదుగా ఎండి బషీర్ ఇన్స్పెక్టర్ కి అవార్డు ప్రధానం చేశారు. మరియు కావలి మున్సిపల్ కమిషన్ జి. శ్రావణ్ కుమార్ ని ప్రత్యేకంగా అభినందించారు