Ravikiranalu TV

కాకాణి కి తోడుగా అన్నదాతలు

*"కాకాణికి తోడుగా నిలుస్తున్న అన్నదాతలు".*

*కొలనకుదురు, కట్టువపల్లి గ్రామాలనుండి సేకరించిన 12 టన్నుల ధాన్యాన్ని నియోజకవర్గ ప్రజల అవసరాల పంపిణీకి ఎమ్మెల్యే కాకాణి గోవర్ధన్ రెడ్డికి అందజేసిన రైతులు.*

*సర్వేపల్లి నియోజకవర్గ రైతులు ఆంధ్ర రాష్ట్రానికే ఆదర్శంగా నిలుస్తున్నారని కొనియాడిన ఎమ్మెల్యే కాకాణి.*

*సేవా కార్యక్రమాలు చేస్తున్న ప్రతి ఒక్కరికీ, దాతలకు, రైతులకు మరియు ప్రజలకు అందుబాటులో ఉంటూ, వారి అవసరాలను తీర్చేందుకు శ్రమిస్తున్న వై.యస్.ఆర్. కాంగ్రెస్ పార్టీ నాయకులకు, కార్యకర్తలకు ధన్యవాదాలు తెలియ చేసిన ఎమ్మెల్యే కాకాణి.*

నెల్లూరు లో రెడ్ జోన్ గా 43, 47డివిజన్ లు

*నెల్లూరు నగరంలోని 43 ,47 డివిజన్ లను "RED ZONE " గా ప్రకటించిన నెల్లూరు తహసీల్ధార్.*

నెల్లూరు నగరంలోని 43 ,47 డివిజన్ లను నెల్లూరు తహసీల్ధార్ "RED ZONE " గా ప్రకటించారు. ఢిల్లీలో మత ప్రార్థనలకు 43, 47 వార్డులోని కొందరు ప్రజలు వెళ్లినట్లు తెలియడంతో.., ముందు జాగ్రత్తగా వారిని అబ్జర్వేషన్ లో ఉంచిన అధికారులు.., రెడ్ జోన్ గా ప్రకటించారు.

మంగళవారం సాయంత్రం ఐదు గంటల నుంచి ఎవరు కూడా గడప దాటి బయటకు రావద్దని ఆదేశాలు జారీచేసిన అధికారులు.

43, 47 వ వార్డులో పారిశుధ్య చర్యలు చేపట్టారు. రోడ్లు, కాలువలను, ఇంటి గోడలను సోడియం హైపో క్లోరిడ్ తో శుద్ధి చేస్తున్నారు.

మానవత్వం చాటిన సీఐ మధుబాబు

👉. మానవత్వాన్ని చాటుకున్న ఒకటవ నగర సిఐ. మధు బాబు... నెల్లూరు జై భారత్ హాస్పిటల్ సమీపంలో ఓ వ్యక్తి రోడ్డుపై అనారోగ్యంతో పడిపోయిన సమాచారం అందడంతో వెంటనే సంఘటనా స్థలానికి చేరుకున్న మధు బాబు జయభారత్ హాస్పిటల్ కు అతనిని తరలించి చికిత్స అందజేస్తున్నారు....live photos

ఏపీ లో ఈనెల 31 నుంచి పదో తరగతి పరీక్షలు యథాతధం ..

ఏపీలో ఈనెల 31 నుంచి పదో తరగతి పరీక్షలు యథాతధం : మంత్రి ఆదిమూలపు సురేష్

విద్యార్థులకు అన్ని సౌకర్యాల కల్పన

ఇంటర్ పరీక్షలు కొనసాగుతాయి

హాస్టళ్లు, కళాశాలలకు మాత్రమే సెలవు

కరోనా వ్యాప్తి నేపథ్యంలో ముందుజాగ్రత్త చర్యల్లో భాగంగా రాష్ట్రంలోని పాఠశాలలు, కళాశాలలు, యూనివర్సిటీలు, కోచింగ్ సెంటర్లు, హాస్టళ్లు మూసివేత నిర్ణయం తీసుకున్నామని రాష్ట్ర విద్యాశాఖ మంత్రి ఆదిమూలపు సురేష్ తెలిపారు. ఈ రోజు ఆయన అమరావతిలో మీడియా ప్రతినిధులతో మాట్లాడారు. అయితే పదో తరగతి పరీక్షలు ఈనెల 31 నుంచి యథావిధిగా కొనసాగుతాయని తెలిపారు.అలాగే ఇంటర్ పరీక్షలు కూడా ఈనెల 23వ తేదీలోగా పూర్తికానున్నట్లు చెప్పారు. సెలవుల కారణంగా విద్యార్థులు వారి వారి స్వస్థలాలకు వెళ్లేందుకు అన్ని ఏర్పాట్లు చేసినట్లు తెలిపారు. పదో తరగతి పరీక్షలు రాసే విద్యార్థులకు కావాల్సిన అన్ని సౌకర్యాలను కల్పిస్తామని చెప్పారు.అనారోగ్యంతో బాధపడుతున్న విద్యార్థులకు వైద్య సౌకర్యం అందజేస్తున్నామన్నారు.సెలవుల విషయంలో ఈనెల 31వ తేదీ తర్వాత పరిస్థితిని మరోసారి సమీక్షించి అందుకు అనుగుణంగా నిర్ణయం తీసుకుంటామని స్పష్టంచేశారు.

టిడిపి పై అరాచకాలు సృష్టించడం సరికాదు...

ఎన్నికల కమిషన్ స్థానిక ఎన్నికలను వాయిదా వేయడం పై ప్రభుత్వం సుప్రీం కోర్టు లో పిటిషన్ వేయడం.... అందుకు ధర్మాసనం ఇచ్చిన తీర్పు పై తెలుగుదేశం వెంకటగిరి మాజీ ఎమ్మెల్యే కురుగొండ్ల రామకృష్ణ పార్టీ కార్యాలయంలో విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ, ఎన్నికల కమిషనర్ ని గవర్నర్ నియమిస్తాడన్న విషయం కూడా తెలియని వ్యక్తి సీఎం గా ఉండటం మన దౌర్భాగ్యమని ఆయన అన్నారు.రాష్ట్రమంతా మారణకాండ జరిగిందని, ప్రశాంతమైన ప్రాంతాలను వల్లకాడు చేసి, కిడ్నాప్ లు, బెదిరింపులతో రాష్ట్ర వ్యాప్తంగా జరగాల్సిన స్థానిక సంస్థల ఎన్నికలను ఏకగ్రీవం చేసుకున్న విధానంతో రాష్ట్రంలో భయానక వాతావరణం నెలకొందని ఆయన ఆరోపించారు. ఎన్నికల ప్రక్రియను నిష్పక్షపాతంగా నిర్వహించాలని డిమాండ్ చేశారు. వైసీపీకి గుణపాఠం చెప్పేందుకు ప్రజలు ఎదురుచూస్తున్నారని, అది గమనించిన జగన్మోహన్ రెడ్డి బలవంతంగా అయినా సరే ఎన్నికల్లో ఎవరూ నిలబడకుండా ఉండేలా చేయాలని, తన పార్టీ నాయకులను ఉసిగొల్పి నామినేషన్లు వేయకుండా ఏకగ్రీవం చేసుకుంటున్నారని ఆయన ఆవేదన వ్యక్తం చేశారు. ప్రశాంతతకు మారుపేరైన నెల్లూరు జిల్లాలో ఇంత రౌడీయిజం, దుర్మార్గాలు జరగుతాయని కలలో కూడా ఊహించలేదని అన్నారు. పోలీసులను అడ్డుగా పెట్టుకుని చెలరేగిపోతున్నారని వాపోయారు. కలెక్టర్ల మాట వినే తహసీల్దార్లు, అధికారుల మాట వినేనాధుడే కారువయ్యారని ఆవేదన వ్యక్తం చేశారు. హింసాత్మక ఘటనల నేపథ్యంలో కొన్ని ప్రాంతాల్లో ఎన్నికల రద్దు అంశాన్ని పరిశీలిస్తున్నామనడం, పలువురు ఎస్పీలు, కలెక్టర్లు, డీఎస్పీలు, సీఐలపై చర్యలకు సిఫారసు చేయడాన్ని స్వాగతిస్తున్నామని ఆయన అన్నారు. అందరూ వైకాపా నేతలు చెప్పినట్టు వింటుంటే ఉన్నతాధికారులు ఏం చేస్తున్నారు అని ప్రశ్నించారు. ఆంధ్రప్రదేశ్ లో ప్రజాస్వామ్యం చచ్చిపోయింది అని విచారం వ్యక్తం చేశారు. చంద్రబాబు నాయుడు మీద కోపంతో ఇన్ని అరాచకాలు సృష్టించడం సరికాదన్నారు.

వైభవంగా పాఠశాలలో సరస్వతి దేవి పూజ

నెల్లూరు జిల్లా మర్రిపాడు జిల్లా పరిషత్ ఉన్నత పాఠశాలలో ప్రధానోపాధ్యాయురాలు శివ జ్యోతి ఆధ్వర్యంలో చదువుల తల్లి సరస్వతీదేవికి పూజా కార్యక్రమం నిర్వహించారు. ఈ సందర్భంగా ఉపాధ్యాయులు, విద్యార్థులు సరస్వతీ దేవికి నారికేళము సమర్పించి చదువుల తల్లికి ప్రత్యేక పూజలు నిర్వహించారు. 10తరగతి పరీక్షలు ఆసన్నాం అవుతున్న సందర్భంగా ఈ పూజలు నిర్వహించడం జరుగుతుందని శివజ్యోతి తెలిపారు. ప్రతి ఒక్క విద్యార్థికి చదువుల తల్లి సరస్వతి దేవి ఆశీర్వాదాలు ఎల్లవేళలా ఉంటాయని, ఆ సరస్వతి దేవి ఆశీస్సులు విద్యార్థులకు ఎల్లవేళలా తోడుగా ఉంటూ ఆయన ఆకాంక్షించారు. ప్రతి ఒక్క విద్యార్థి పరీక్షలలో ఉత్తమ ఫలితాలు సాధించాలని, భవిష్యత్తు ఆయన కోరారు. అంతేకాకుండా విద్యార్థులు అట పాటలతో హుషారుగా, కేరింతలు కొడుతూ తల్లితండ్రులకు తాము చదువులోనే కాకుండా అన్ని రంగాలలో రాణిస్తామని ఈ సాంస్కృతిక కార్యక్రమం ద్వారా తెలిపారు. శివజ్యోతి మాట్లాడుతూ విద్యార్థులు అందరు అన్ని రంగాలలో ముందుకు సాగాలని, క్రమశిక్షణతో నడవాలని, పెద్దలను గౌరవించి రాబోయే భవిష్యత్తు తరాలు మీరే కావాలని ఈ సందర్బంగా విద్యార్థులను ఉద్దెదించి తెలిపారు..

ఈ కార్యక్రమం లో ఉపాధ్యాయులు, విద్యార్థుల తల్లిదండ్రులు, గ్రామస్థులు తదితరులు పాల్గొన్నారు..

కరోనా నేపథ్యంలో టీటీడీ కీలక నిర్ణయం

కరోనా మహమ్మారి విస్తరిస్తున్న నేపథ్యంలో తిరుమల తిరుపతి దేవస్థానం కీలక నిర్ణయం తీసుకుంది. ఇవాళ మధ్యాహ్నం టీటీడీ అధికారులు అత్యవసరం సమావేశమయ్యారు. ఈ సమావేశంలో పలు కీలక నిర్ణయాలు తీసుకున్నారు. తిరుమలకు భక్తులు వచ్చే రెండవ ఘాట్ రోడ్డును పూర్తిగా మూసివేస్తున్నట్లు ప్రకటించారు.

దర్శనం, ఘాట్ రోడ్లు మూసివేత

అంతేకాదు.. నేటి సాయంత్రం నుంచి శ్రీవారి దర్శనానికి భక్తులను కూడా నిలిపివేస్తున్నట్లు టీటీడీ ప్రకటించింది. అయితే.. శ్రీవారి మూలవరులకు నిర్వహించే సేవలను మాత్రం యథావిధిగా నిర్వహిస్తామని టీటీడీ తెలిపింది. కాగా.. రేపు ఉదయం నుంచి రెండు ఘాట్ రోడ్డులు మూసివేస్తామని ప్రకటించింది.